Forbes eng ko‘p milliarderlar yashovchi 10ta shaharni ma'lum qildi

Nyu-York/Foto: Craig Warga/Bloomberg

Forbes talqiniga ko‘ra 2019 yilda dunyodagi eng boy odamlar reytingiga 2153 kishi kiritildi. Shu bilan birga, ularning 551 nafari dunyodagi 1860ta shahardan faqatgina o‘ntasida istiqomat qiladi, deb yozmoqda Forbes.

Ushbu nisbatan kichik ro‘yxatdan joy olgan shaharlarda yashaydigan milliarderlarning umumiy boyligi 2,3 trillion dollarga teng. Dunyoda faqat yetti mamlakat ushbu miqdordan ortiq bo‘lgan YaIM bilan maqtana oladi.

Eng ko‘p milliarderlar yashaydigan shaharlar ro‘yxatida birinchi o‘rinni Nyu-York egalladi. AQShning eng yirik shahrida 84 milliarder istiqomat qiladi, ularning umumiy boyligi 469,7 milliard dollar bo‘lib, bu Avstriya YaIMdan ko‘pdir.

So‘nggi besh yil davomida dunyodagi eng yirik ikkita birja joylashgan shahar, 2015 yilda Moskvani istiqomat qiluvchi milliarderlar soni bo‘yicha ortda qoldirgach, reytingni boshqarib kelmoqda. 2016 yildan buyon Moskva 71 milliarder bilan reytingning uchinchi o‘rnidan joy olib kelyapti, ikkinchi - Gonkong (79 milliarder).

Umuman olganda, top-10 quyidagicha ko‘rinishga ega:

Shahar	Milliarderlar soni	Umumiy boylik	Shahardagi eng boy odam
Nyu-York, AQSh	84	$469,7 mlrd	Mayk Blumberg, Bloomberg LP
Gonkong, Xitoy	79	$355,5 mlrd	Li Kashin, Cheung Kong Group
Moskva, Rossiya	71	$336,5 mlrd	Leonid Mixelson, «Novatek»
Pekin, Xitoy	61	$193,3 mlrd	Van Tszyanlin, Dalian Wanda Group
London, Buyuk Britaniya	55	$226 mlrd	Mixail Fridman, «Alfa-Grupp»
Shanxay, Xitoy	45	$110,7 mlrd	Kolin Xuan, Pinduoduo
San-Fransisko, AQSh	42	$109,2 mlrd	Dastin Moskovits, Facebook
Shenchjen, Xitoy	39	$190,5 mlrd	Ma Xuaten, Tencent
Seul, Janubiy Koreya	38	$99,9 mlrd	Li Kun-Xi, Samsung
Bombey, Hindiston	37	$184,4 mlrd	Mukesh Ambani, Reliance Industries