00:56 / 15.03.2019
8250

Barcha amerikalik diplomatlar Venesuelani tark etdi

Foto: RIA Novosti

AQSh davlat kotibi Mayk Pompeo Venesuelada qolgan barcha amerikalik diplomatlar ushbu davlatni tark etishganini ma'lum qildi.

“Amerikalik diplomatlar endi bu missiyani boshqa joylardan amalga oshirishadi, ular u joylardan ham Venesuela xalqiga gumanitar yordamni boshqarishga yordam berishadi va zulmkorlikka qarshi mardlarcha kurashayotgan demokratiya namoyondalarini qo‘llab-quvvatlashadi”, deb aytgan Pompeo.  

Uning ta'kidlashicha, Vashington Venesuelada “demokratiyaga o‘tish boshlanishi” bilanoq yana ushbu mamlakatga qaytadi.

Amerikalik diplomatlarning aksariyati Venesuelani 24 yanvardayoq tark etgandi.

Mavzu
Venesuelada siyosiy inqiroz
Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi
Barchasi
Top