2020 yilgi Yevropa chempionati uchun saralash bosqichining F guruhida Ispaniya Norvegiyaga qarshi 1-tur uchrashuvini o‘tkazdi. Valensiyadagi «Mestalya» stadionida kechgan uchrashuv maydon egalarining 2:1 hisobidagi g‘alabasi bilan yakunlandi.
O‘yindagi birinchi gol ispanlar hujumchisi Rodrigo tomonidan 16-daqiqada Jordi Albaning pasidan keyin urildi. Ikkinchi bo‘lim boshida norvegiyaliklar hujumchisi Joshua King 11-metrli jarima nuqtasidan hisobni tenglashtirdi. O‘yinning 71-daqiqasida Ispaniya termasi sardori Serxio Ramos ham penaltini aniq ijro etdi va jamoaga g‘alaba keltirdi.
Bu tur doirasida guruhdagi boshqa uchrashuvlarda Shvetsiya Ruminiyani, Malta Farer orollarini bir xil - 2:1 hisoblarida mag‘lub etdi.
Qayd etish kerakki, maltaliklar uchun bu keyingi 13 yil ichida ilk marta uy uchrashuvidagi g‘alaba bo‘ldi. Bungacha Malta oxirgi marta 2006 yilning oktyabrida Vengriyani mag‘lub etgandi (2:1).
Bu shuningdek, Maltaning 2013 yil iyunidan buyon rasmiy uchrashuvlardagi ilk g‘alabasi bo‘ldi, 6 yil oldin Malta Yerevanda Armanistonni yengandi (1:0).
2-turda ispaniyaliklar Ta-Kalida Maltaga qarshi o‘ynaydi, Norvegiya Oslodagi «Ullevol» stadionida Shvetsiyani qabul qiladi, Ruminiyaga esa Farer orollari raqiblik qiladi. Barcha o‘yinlar 26 mart kuniga belgilangan.
Yevro-2020 saralashi
1-tur
Ispaniya – Norvegiya 2:1 (1:0, 1:1)
Gollar: 1:0 – 16 Rodrigo, 1:1 – 65, penalti King, 2:1 – 71, penalti Ramos.
Ispaniya – De Xea, Ramos, Martines, Alba, Sebalos (Kanales, 74), Navas, Buskets, Parexo (Rodri Ernandes, 77), Asensio, Rodrigo, Morata (Mata, 89).
Norvegiya – Yarsteyn, Aleesami, Elabdellaui, Ayyer, Nordtveyt, Xenriksen, Selnes, Elyunussi (Yonsen, 55), Edegor (Elyunussi, 56), King, Yuxansen (Kamara, 77).
Ogohlantirishlar: Ayyer (35), Elyunussi (51), Sebalos (53), Yuxansen (54), Martines (64), Yonsen (74).
Shvetsiya – Ruminiya 2:1 (2:0, 0:1)
Gollar: 1:0 – 33 Kvayson, 2:0 – 40 Klasson, 2:1 – 58 Kesheryu.
Shvetsiya – Olsen, Augustinsson, Lyustig (Kraft, 24), Xelander, Grankvist, Olsson, Larsson, Forsberg (Svensson, 68), Klasson, Kvayson (Isak, 89), Berg.
Ruminiya – Teterushanu, Belutse (Ivan, 78), Grigore, Manya, Banku, Marin, Kipchu, Mitritse (Kesheryu, 46), Stanchu, Sepunaru, Pushkash (Xadji, 64).
Ogohlantirishlar: Grigore (72), Xadji (79), Sepunaru (82), Svensson (90), Kraft (90).
Malta – Farer orollari 2:1 (1:0, 1:1)
Gollar: 1:0 – 13 Nvoko, 2:0 – 77, penalti Borg, 2:1 – 90 Tomsen.
Malta – Bonello, Karuana, Adjius, Borg, Giyome, Nvoko, Fenek, Korbalan (Muskat, 63), Mifsud (Tserafa, 72), Mbong, Muskat (Mintoff, 85).
Farer orollari – Nilsen, Yunsen (Olsen, 72), Davidsen, Gregersen, Xansson, Faere, Vatnxamar (uy Bartalsstovu, 68), Baldvinsson (Frederiksberg, 79), Olsen, Tomsen, Sorensen.
Ogohlantirishlar: Yunsen (33), Nvoko (36), Borg (61), uy Bartalsstovu (86), Bonello (90), Xansson (90), Sorensen (90).
Chetlatish: Adjius (62).
