AQSh Eronni 600 dan ko‘proq amerikalik harbiyning o‘limida aybladi

AQSh Eronni Iroqdagi urush vaqtida 608 nafar amerikalik harbiyning halok bo‘lishida aybladi. Bu haqda AQShning Eron bo‘yicha maxsus vakili Brayan Xuk ma'lum qildi.  

“Bugun men, oshkor qilingan razvedka ma'mumotlariga tayanib, Eron Iroqda 608 amerikalik harbiyning o‘limiga javobgarligini e'lon qila olaman”, deb aytgan Xuk. Uning aytishicha, bu AQShning 2003-2011 yillardagi barcha jangovar yo‘qotishlarining 17 foizini tashkil qiladi.  

Xuk, shuningdek, Eron “Iroqni o‘z nazoratiga qo‘yishga urinayotganini” aytgan. Iroq va Eron o‘rtasida ikkala davlatda ham aholining aksariyat qismini musulmon shialar tashkil qilishi bilan bog‘liq yaqin munosabatlar mavjud.