Foto: REUTERS
Wikileaks sayti asoschisi Julian Assanj Shvetsiya hukumatidan sud xarajatlarini qoplash uchun 9,25 mln shved kronasi (qariyb 1 mln dollar) berishini talab qildi. Bu mablag‘ Shvetsiya, Buyuk Britaniya va Ekvadordagi yuristlar xizmati uchun sarflanadi, deb xabar berdi Svenska Dagbladet gazetasi.
Assanj shuningdek tergov davomida hujjatlarni tarjima qilish uchun 600 ming krona ($64,4 ming) va BMT hamda boshqa tashkilotlarga so‘rovlar jo‘natish uchun yana 1 mln krondan ortiqroq ($108 ming) pul so‘ramoqda.
Assanjning advokatlari ta'kidlashicha, xarajatlarga kompensatsiya to‘lanishi uchun "jiddiy sabablar" mavjud, chunki Assanj yetti yil davomida qo‘riqlab kelingan.
Avvalroq Julian Assanj Avstraliyaning yangi pasportini olgani xabar qilingandi.
