Pol Pogba jamoadoshlariga «MYu»dan ketishini aytdi. Uni «Real»da kutishmoqda

«Manchester Yunayted» yarimhimoyachisi Pol Pogba yozda boshqa klubga o‘tmoqchi.

L’Équipe tarqatgan xabarga ko‘ra, 26 yoshli fransuz «MYu»dagi jamoadoshlariga yozda klubdan ketishni rejalashtirayotgani haqida aytgan.

Pogba «qizil iblislar» bilan shartnomasi muddati tugashiga ikki yil vaqt bor. Klub hozircha u bilan kelishuvni uzaytirish uchun harakat boshlamagan.

Transfermarkt.de portaliga ko‘ra fransuz futbolchisining transfer qiymati 90 million yevroga teng.

Ayni vaqtda «Real» va «MYu» Pogba bo‘yicha muzokaralarni davom ettirmoqda. Inglizlar futbolchisi transferidan 130 million funt sterling ishlab olishni maqsad qilishgan.

Pogbaning Manchester klubidagi yillik maoshi miqdori soliqlar chiqarib tashlangan holatda 17 million yevroni tashkil etadi. Agar madridliklar klubi ham unga shuncha miqdorda maosh to‘laydigan bo‘lsa, u «Real»ning eng ko‘p maosh oluvchi futbolchisiga aylanadi.