Xususiy ta'lim muassasalari litsenziyasi endi cheklanmagan muddatga beriladi

Hukumatning ayrim qarorlariga o‘zgartirish va qo‘shimchalar kiritildi, deb yozmoqda Adliya vazirligi telegram kanali.

Kiritilgan qo‘shimchalarga muvofiq, endilikda nodavlat ta'lim xizmatlari faoliyatini amalga oshirish huquqini beruvchi litsenziya cheklanmagan muddatga beriladi. 

Ilgari mazkur litsenziya 5 yil muddatga berilgan.

Eslatib o‘tamiz, litsenziya Ta'lim sifatini nazorat qilish davlat inspeksiyasi tomonidan taqdim qilinadi.