«Real» Azarning transferini qachon e'lon qilishi ma'lum bo‘ldi

«Chelsi» yarimhimoyachisi Eden Azarning «Real»ga o‘tishi – hal bo‘lgan ish, deb yozmoqda Marca.

London klubi barcha musobaqalardagi ishtirokini yakunlagach, bu haqda rasman e'lon qilinadi. Hozirgi vaqtda «Chelsi» ichki chempionatda Chempionlar Ligasi yo‘llanmasi uchun kurashmoqda va Yevropa Ligasi finaliga chiqishi mumkin. Agar jamoa «Ayntraxt» to‘sig‘idan o‘tolmasa, Azarning transferi Angliya Premer-Ligasida so‘nggi tur o‘yinlari yakunlangach, ya'ni 12 may kuni e'lon qilinishi mumkin.

Hozircha «Real» va «Chelsi» o‘rtasidagi yechilmagan yagona masala – futbolchining transfer qiymatidir. «Ko‘klar» belgiyalik uchun 140 million yevro talab qilmoqdalar.