15:02 / 16.05.2019
21983

Zelenskiyning inauguratsiya sanasi aniq bo‘ldi

Foto: RIA Novosti / Stringer

Ukrainaning saylangan prezidenti Vladimir Zelenskiyning inauguratsiya marosimi 20 may kuni bo‘lib o‘tadi.

Oliy rada majlisida ushbu qarorni 315 nafar parlament a'zosi qo‘llab-quvvatladi.

Zelenskiyning o‘zi qasamyod marosimi 19 may kuni o‘tkazilishini talab qilayotgandi. Uning fikricha, amaldagi hukumat uni Oliy radani qonunchilikda belgilangan muddatda tarqatib yuborish huquqidan mahrum qilish uchun inauguratsiya kunini ortga surishga urinmoqda.

Ammo ushbu sanani faqatgina 207 deputat qo‘llab-quvvatladi. Aksariyat parlament a'zolari Ukrainada 19 may siyosiy qatag‘onlar qurbonlarini xotirlash kuni bo‘lgani bois bu sanaga qarshi chiqishdi.

Inauguratsiya saylov natijalar rasman e'lon qilinganidan so‘ng 30 kun ichida, ya'ni 3 iyungacha o‘tkazilishi lozim.

Mavzu
Ukrainada prezidentlik saylovlari
2019 yilning 31 martida Ukrainada prezidentlik saylovlari o‘tkaziladi. Saylovda ishtirok etish uchun 44 nomzod, shu jumladan mamlakatning amaldagi prezidenti Pyotr Poroshenko hujjat topshirgan.
Barchasi
Top