8562.34 USD +26.60

9731.96 EUR +165.96

135.34 RUB +2.77

10908.4 GBP +161.92

08:00 / 27.05.2019 8455

Сурхондарёда яна бир йирик цемент заводига тамал тоши қуйилди

Фото: Сурхондарё вилояти ҳокимлиги матбуот хизмати

Сурхондарё вилоятининг Шеробод тумани Кўҳитанг қишлоғида Жанубий Кореянинг NCG Engineerring Co. Ltd. компанияси билан ҳамкорликда қурилаётган йирик цемент заводига илк тамал тоши қуйилди.

Шу муносабат билан уюштирилган тадбирда Сурхондарё вилояти ҳокими Тўра Боболов ҳамда NCG Engineerring Co. Ltd. компанияси бош директори Жанг Ил Квеон иштирок этди.

Лойиҳа қиймати 170 миллион доллар бўлган завод ишга тушгач, йилига 1 миллион тонна сифатли портланд цемент ишлаб чиқарилади.

Фото: Сурхондарё вилояти ҳокимлиги матбуот хизмати 

Корхона маҳсулотлари ички бозор талабларини тўлдириш билан бирга хорижга ҳам экспорт қилинади. Корхонада 400дан ортиқ маҳаллий аҳолининг бандлиги таъминланади. 

Нафақат Сурхондарё вилояти, балки, мамлакат иқтисодиётида алоҳида ўрин тутадиган ушбу йирик цемент заводи 2021 йилда фойдаланишга топширилиши белгиланган.

Top