Xabar qilinishicha, Saudiya Arabistonining Acwa kompaniyasi bilan hamkorlikda amalga oshirilayotgan yirik energetika loyihasining muhim qismi Nurobod tumanidan Toshkent viloyatidagi «Halqa» podstansiyasigacha boʻlgan 350 km uzunlikdagi ikki zanjirli 500 kVli elektr uzatish tarmogʻi boʻlib, u Samarqand, Jizzax, Sirdaryo va Toshkent viloyatlari hududidan oʻtadi.
Nurobod - Toshkent «Halqa» elektr uzatish tarmogʻi qurilishini 2028-yilning birinchi choragida yakunlash rejalashtirilgan.
Shuningdek, loyiha doirasida yana 150 km uzunlikdagi 220 kVli elektr uzatish tarmogʻi barpo etilmoqda. Hozirda ushbu tarmoq qurilishining 50 foizi yakunlangan boʻlib, uni 2027-yil may oyida toʻliq bitkazish rejalashtirilgan. Natijada loyiha doirasida jami 500 km elektr uzatish tarmogʻi barpo etiladi.
