Xitoyliklar Jizzaxda avtomobil zavodi qurishi mumkin

Foto: REUTERS/Stringer

Jizzax viloyati hokimligiga Xitoy Xalq Respublikasining CHANGAN AUTO COMPANY delegatsiyasi vakillari tashrif buyurdi.

Viloyat hokimligi Axborot xizmati xabariga ko‘ra, CHANGAN AUTO COMPANY delegatsiyasi vakillarini viloyat hokimi Ergash Soliyev, viloyat hokim o‘rinbosari Azim Ahmedxo‘jayev hamda shahar hokimligi vakillari bilan uchrashuvi o‘tkazildi.

Uchrashuv davomida Xitoy Xalq Respublikasining kompaniyasi Jizzax shahrida avtomobil zavodi qurish istiqbollari xususida muhokama o‘tkazdi, deyiladi xabarda.

Bundan oldin, O‘zbekiston va Germaniya o‘rtasida Volkswagen kompaniyasi bilan hamkorlikda tijorat avtomobillari ishlab chiqarish to‘g‘risida hujjat imzolangandi.

Tayyorlagan: Отабек Матназаров

#Xitoy #Jizzax #avtomobil