Dollarning rasmiy kursi 8600 so‘mga yaqinlashmoqda

O‘zbekiston Respublikasi Markaziy banki 2 iyuldan xorijiy valutalarning so‘mga nisbatan yangi qiymatini belgiladi.

Unga ko‘ra, 1 AQSh dollari o‘tgan haftadagi kursga nisbatan 12,40 so‘mga ko‘tarilgan va 1 dollar 8574,74 so‘mga teng bo‘lib turibdi.

1 yevro kursi 15,80 so‘mga oshib, 9747,76 so‘mni tashkil etgan.

1 rubl esa 0,49 so‘mga qimmatlab, 135,83 so‘mga teng bo‘lib turibdi.

Eslatib o‘tamiz, valuta qiymatini belgilash chog‘ida O‘zbekiston Respublikasi Markaziy banki mazkur valutalarni ushbu qiymatda sotish yoki sotib olish majburiyatini olmagan.