«Asaka» bank: murojaat qog‘ozda qolib ketmaydi

Har bir mijozning ehtiyojlarini tushunish va qanoatlantirish, iqtisodiyotning turli sohasida faoliyat ko‘rsatuvchi yirik korxonalardan boshlab, kichik va xususiy tadbirkorlik sub'yektlarining talablariga javob berish tijorat banklarining muhim vazifalaridan sanaladi. «Asaka» aksiyadorlik tijorat banki ham tadbirkorlarning yirik loyihalarini amaliyotga tatbiq qilishda asosiy hamkorlarlardan biri sifatida faoliyat yuritib kelmoqda. «Asaka» bank Boshqaruvi raisi o‘rinbosari Boboxon Abdullayev 23-24 avgust kunlari Farg‘ona, Andijon va Namangan viloyatlarida tadbirkorlar va aholi vakillari bilan muloqot o‘tkazdi.

Ochiq muloqot ruhida o‘tgan tadbirlarda tadbirkorlar o‘z faoliyatiga xalal berayotgan muammolarni aytib o‘tishdi.

Bank boshqaruvi raisi o‘rinbosari murojaat qilgan har bir tadbirkor bilan yuzma-yuz suhbatlashdi, muammolarini tingladi. Bildirilgan takliflar qog‘ozda qolib ketmasligini ta'kidlab, mijozlarni qo‘llab-quvvatlash va amaliy yordam ko‘rsatish uchun barcha tadbirlar belgilab olindi.

– Mijoz bankka emas, bank mijozga xizmat qilishi kerak, degan tamoyil iqtisodiy islohotlarimizning bugungi bosqichda amaliy ahamiyat kasb etayotgan shiorga aylandi, – dedi B.Abdullayev. – Mamlakatimizning barcha hududlarida tashkil etilayotgan shunday sayyor qabullardan ko‘zda tutilgan maqsad, joylarda bevosita tadbirkorlik sub'yektlari vakillari bilan yuzma-yuz suhbatlashib, ularni qiynayotgan muammolarni o‘rganish va bartaraf etish, tadbirkorlarga yordam berish bilan bir qatorda bank va tadbirkor o‘rtasidagi hamkorlik samaradorligini oshirish yuzasidan takliflarni yig‘ishdir.

Sayyor uchrashuvlar mijozlar bilan muloqotning samarali formati sifatida o‘ziga xos ahamiyat kasb etmoqda. Bo‘lib o‘tayotgan tadbirlar aholining va tadbirkorlarning bank xizmatlariga munosabatini ham aniqlashga yordam bermoqda. Bu esa bankning barqaror va zamonaviy xizmatlar ko‘lamini kengaytirshda dolzarbdir.

«Asaka» bank – Sizning biznes faoliyatingizdagi ishonchli hamkoringiz!

Murojaat uchun telefonlar: (+99871) 200-55-22

Veb-sayt: www.asakabank.uz

Telegram: t.me/bank_asaka

Facebook: fb.com/bankasaka

Instagram: @asaka_bank

Reklama huquqi asosida