11:40 / 15.09.2019
8
103357
Октябрда Марказий Осиёдаги энг катта масжид очилиши кутилмоқда

2019 йил октябрда Тожикистон пойтахтида Марказий Осиёдаги энг катта масжид очилиши кутилмоқда. Бу ҳақда Avesta.tj нашри хабар берди. 

Фото: ASIA-Plus

Душанбеда қад кўтараётган ушбу масжидда бир вақтда 120 мингга яқин киши намоз ўқиши мумкин.

Масжид қурилиши 2009 йил октябрида бошланган. Унинг лойиҳаси тожикистонлик ва қатарлик мутахассислар томонидан ишлаб чиқилган.  

Фото: Anadolu Agency

Масжид ҳар бири 75 метр баландликка эга 4 та минорага эга. Шунингдек, унда 47 метрлик бош гумбаздан ташқари, яна 20 та кичикроқ гумбаз бор.

Фото: Anadolu Agency

Жомеъ масжиди Душанбенинг шимолидаги 12 гектар майдонда жойлашади. Масжид билан биргаликда бу ерда кутубхона, музей ва анжуманлар зали қурилмоқда.

Фото: Anadolu Agency

Масжид лойиҳаси 100 млн долларга баҳоланган. Таъкидланишича, унинг қурилиши Қатар ҳукумати томонидан молиялаштирилмоқда.

 

Ушбу хабарга фикрингизни билдиринг. Бунинг учун авторизациядан ўтишингиз керак!
Top