Samarqand viloyat IIB migratsiya va fuqarolarni rasmiylashtirish boshqarmasining bir guruh xodimlari savobli ishga qo‘l urishdi. Ular leykoz bilan og‘rigan 1998 yilda tug‘ilgan Mukarram Abduhafizovaga donorlik qilib qon berishdi. Arabxona mahallasida yashovchi Mukarram ayni damda Samarqand viloyat gemotologiya markazida davolanmoqda.
Samarqand viloyat IIB migratsiya va fuqarolarni rasmiylashtirish boshqarmasining 23 xodimi bemor qiz uchun qon berishdi. Boshqarma chet elda davolanishi kerak bo‘lgan bu bemorga moddiy yordam berishga ham harakat qilishini ma'lum qildi.
