12:55 / 12.10.2019
0
3133
Наманганда электр энергияси соҳасида автоматлаштирилган тизим ишлари давом этмокда

Маълумки, Президентимизнинг 2018 йил 23 октябрда “Электр энергетикаси тармоғини жадал ривожлантириш ва молиявий барқарорлигини таъминлаш чора-тадбирлари тўғрисида”ги қарорига асосан, “Ҳудудий электр тармоқлари” АЖ томонидан мамлакатимиз бўйлаб босқичма-босқич электр энергиясини ҳисобга олиш ва назорат қилишнинг автоматлаштирилган тизими (АСКУЭ)ни жорий этиш ишлари жадал амалга оширилмоқда.

Бугунги кунда Наманган вилоятининг шаҳар ва туманларида электр ҳисоблагичларни ўрнатиш ишлари жадал олиб борилмоқда. Жумладан Наманган шаҳрида 116 мингдан ортиқ аҳоли ва 2100 дан ортиқ улгуржи истеъмолчиларга ҳисоблагичлар ўрнатилиб бўлинди. Бундан ташқари Учқўрғон ва Норин туманларида ҳам аҳоли истеъмолчиларининг 9000 дан зиёдига ҳисоблагичлар ўрнатиб бўлинди, ҳозирги вақтда режага асосан қолган ҳисоблагичларни алмаштириш ишлари давом этмоқда. Шуни истеъмолчиларга эслатиб ўтамизки, ўрнатилаётган ҳисоблагичлар “Ҳудудий электр тармоқлари” АЖ маблағлари ҳисобидан бепул ўрнатиб берилади.

Ҳурматли истеъмолчилар, ҳисоблагичлар ўрнатишда бирор бир англашилмовчилик ёки таъмагирлик ҳолатлари кузатилаётган бўлса, шунингдек, пул талаб қилинаётган ёки манфаатларингиз камситилаётган бўлса, Telegram’даги “Hududiy elektr tarmoqlari” AJ bilan muloqot” канали орқали ҳам ўз мурожаатларингизни йўллашингизни сўраймиз. 

Ушбу хабарга фикрингизни билдиринг. Бунинг учун авторизациядан ўтишингиз керак!
Top