12 oktyabrda Toshkent metrosining Chilonzor liniyasida nosoz tarkib sababli harakat ma'lum vaqtga to‘xtab qoldi. Bu haqda “Toshkent metropoliteni” korxonasida ma'lum qilindi.
Ta'kidlanishicha, soat 16:05da “Pushkin” va “Buyuk Ipak Yo‘li” stansiyalari orasida tarkib nosozligi sababli harakat to‘xtagan.
Yo‘lovchilar “Pushkin” stansiyasida tushirilganlar va u yerga nosoz poyezdga texnik ko‘mak ko‘rsatish uchun boshqa tarkib jo‘natilgan. Tegishli ishlar bajarilgach, harakat jadvalga ko‘ra tiklangan.
Metropoliten ma'muriyati yo‘lovchilardan yetkazilgan noqulayliklar uchun uzr so‘ragan.