00:19 / 13.10.2019
0
9229
Метронинг Чилонзор линиясидаги носозлик тезликда бартараф этилди
Фото: KUN.UZ

12 октябрда Тошкент метросининг Чилонзор линиясида носоз таркиб сабабли ҳаракат маълум вақтга тўхтаб қолди. Бу ҳақда “Тошкент метрополитени” корхонасида маълум қилинди. 

Таъкидланишича, соат 16:05да “Пушкин” ва “Буюк Ипак Йўли” станциялари орасида таркиб носозлиги сабабли ҳаракат тўхтаган.  

Йўловчилар “Пушкин” станциясида туширилганлар ва у ерга носоз поездга техник кўмак кўрсатиш учун бошқа таркиб жўнатилган. Тегишли ишлар бажарилгач, ҳаракат жадвалга кўра тикланган.

Метрополитен маъмурияти йўловчилардан етказилган ноқулайликлар учун узр сўраган.

Ушбу хабарга фикрингизни билдиринг. Бунинг учун авторизациядан ўтишингиз керак!
Top