Özbekistonda FHDYo organlari hokimliklar tasarrufiga ötkazilgaç, faqatgina şa'riy nikoh bilan yaşab kelgan 20 ming 350ta oila aniqlanib, ularning nikohi qonuniylaştirildi.
Bu haqda 13 noyabr kuni oila institutini mustahkamlaş mavzusiga bağişlab ötkazilgan matbuot anjumanida ma'lum qilindi, deb xabar bermoqda Kun.uz muxbiri.
2018 yil iyulidan FHDYo idoralari tuman va şahar hokimi örinbosari – Xotin-qizlar qömitasi raisiga böysundirilgan edi. Şundan söng, ma'lum bölişiça, muddati ötgan (1 yildan oşgan) 13 ming 478ta tuğilganlik, 21 ming 219ta nikoh, 2 ming 163ta ölim guvohnomasi rasmiylaştirilib, fuqarolarga topşirilgan.
«Oilalarni mustahkamlaş maqsadida respublikaning 96ta tuman va şaharlarida «Bölğusi kelin-kuyovlar innovatsion maktabi» taşkil etildi. Bu yerda nikohni rasmiylaştiriş uçun kelgan yoşlar bir oylik öquv kurslari asosida oilaviy hayotga tayyorlandi.
Hozirga qadar jami 12 ming 564 nafar yigit-qiz zamonaviy usullar asosida öqitildi», – deydi Xotin-qizlar qömitasi raisining birinçi örinbosari Zulayho Mahkamova.
Ta'kidlanişiça, Oliy sud va Xotin-qizlar qömitasi örtasidagi hamkorlik asosida ajrimga ariza bergan oilalarni suhbatdan ötkaziş va ajrim haqida qömita xulosasini oliş amaliyoti yölga qöyilgan. Buning natijasida 21 mingdan ortiq ajrim yoqasiga kelib qolgan oilalarni yaraştirişga erişilgan.
