Kiyev aviahalokat qurbonlari fuqaroligiga aniqlik kiritdi, qurbonlarning aksari Eron va Kanadadan

Ukraina Tashqi ishlar vaziri Vadim Pristayko Tehrondan Kiyevga uchgan «Ukraina xalqaro avialiniyalari» aviakompaniyasi Boeing-737 rusumli samolyoti bortida bo‘lgan yo‘lovchilar fuqaroligiga aniqlik kiritdi.

Unga ko‘ra, Erondagi aviahalokatda 82 nafar eronlik, 63 nafar kanadalik, 11 nafar ukrainalik, 10 nafar shvetsiyalik, 4 nafar afg‘onistonlik, Germaniya va Buyuk Britaniyadan esa 3 nafardan fuqaro bo‘lgan.

Narazі nam vіdoma nastupna іnformatsіya shchodo krayin poxodjyennya zagiblix v katastrofі #PS752:
Іran - 82;
Kanada - 63;
Ukrayina - 2 + 9(yekіpaj);
Shvetsіya - 10;
Afganіstan - 4;
FRN - 3;
Velika Britanіya - 3.
Vislovlyuemo nashі spіvchuttya. Ukrayinska vlada prodovjue rozslіduvannya.

— Vadym Prystaiko (@VPrystaiko) January 8, 2020

O‘z navbatida, Erondagi nashrlar aviahalokat oqibatida halok bo‘lganlarning 147 nafari eronlik, 32 nafari xorij davlatlar fuqarolari bo‘lgani haqida xabar tarqatgan.

Samolyotdagilarning ko‘pchilik qismi Kanadada o‘qigan eronlik talabalar bo‘lgani aytilmoqda. Ular ta'tilni yakunlab, Kanadaga qaytishda arzon bo‘lgani uchun ushbu loukoster xizmatidan foydalanishgan.

Ijtimoiy tarmoqda voqea joyidan topilgan fors yozuvidagi qo‘lda yozilgan matn parchasi topildi. Ma'lum qilinishicha, u eronlik talaba tomonidan yozilgan, u imtihondan o‘tib olish uchun duo qilgan.

این دانشجو بنده خدا میخواست بره خارج از جنگ دور بشه و درس بخونه که...😞😔 pic.twitter.com/eUpwlkGLns

— 😏دیگو پاستا🍝 (@im_mahdi9) January 8, 2020

Telegramdagi Ukraina 24/7 kanalida aviahalokat qurbonlari ro‘yxati keltirildi.

«Ukraina xalqaro avialiniyalari» aviakompaniyasiga tegishli bo‘lgan Boeing 737 rusumli yo‘ovchi samolyot 8 yanvar tongida Tehrondagi aeroportdan havoga ko‘tarilishidan ikki daqiqa o‘tib qulab tushdi. Samolyot yerga urilgach portlab yonib ketgan va bortdagilarning barchasi halok bo‘lgan.

Ukraina prezidenti Vladimir Zelenskiy Ummonga tashrifini muddatidan avval yakunlab Kiyevga qaytdi va qurbonlarning yaqinlariga hamdardlik izhor etdi. U hodisa bo‘yicha jinoiy ish ochishga ko‘rsatma bergan.

«Ukraina xalqaro avialiniyalari» tekshiruvlar yakunlanmaguncha Tehronga parvozlarni to‘xtatgan. 

Shuningdek, Iroqdagi aviabazalarga eronliklar tomonidan hujum qilinishi tufayli AQSh hukumati ham Eron havo hududi orqali parvozlarni bekor qilgan. Ko‘plab davlatlar hukumatlari o‘z fuqarolariga mojarolar hududini zudlik bilan tark etishga chaqirmoqda.