Fitosanitariya, sanitariya-epidemiologiya, veterinariya va ekologik nazorat bo‘yicha ko‘rsatiladigan xizmatlar oferta shakliga o‘tkaziladi

Fitosanitariya, sanitariya-epidemiologiya, veterinariya va ekologik nazorat o‘tkazish xizmatlari takomillashtiriladi. Vazirlar Mahkamasining bu haqdagi tegishli qarori loyihasi e'lon qilindi.

Shunday tartib o‘rnatiladiki, unga muvofiq:

a) 2020 yil 1 iyuldan boshlab, Standartlashtirish, metrologiya va sertifikatlashtirish agentligi, Sog‘liqni saqlash vazirligi, Veterinariya va chorvachilikni rivojlantirish davlat qo‘mitasi, Ekologiya va atrof-muhitni muhofaza qilish davlat qo‘mitasi, Vazirlar Mahkamasi huzuridagi O‘simliklar karantini davlat inspeksiyasi tomonidan fitosanitariya, sanitariya-epidemiologiya, veterinariya va ekologik nazorat o‘tkazish bo‘yicha ko‘rsatiladigan xizmatlarning shartnomalari to‘liqligicha oferta shakliga o‘tkaziladi;

b) vakolatli organlar oferta shaklga o‘tkazilgan xizmatlar uchun to‘lovlarni davlat xizmatlari ko‘rsatilganligi uchun to‘langan davlat bojlari va yig‘imlar summasi hisobini yurituvchi Yagona billing tizimi orqali elektron tarzda amalga oshirilishi ta'minlanadi;

v) xizmatlarning oferta shakllarini rasmiylashtirishda ko‘rsatilayotgan xizmatlar to‘lovlarini to‘langanligini ofertaning aksepti deb hisoblanadi.

Vakolatli organlar oferta namunasini joriy qilishda fitosanitariya, sanitariya-epidemiologiya, veterinariya va ekologik nazorat o‘tkazish bo‘yicha ko‘rsatiladigan xizmatlarning qiymatini shakllantirish ish hajmiga mutanosib ravishda belgilanishi yoki o‘zgarishi nazarda tutiladi.

Oferta shakliga o‘tkaziladigan fitosanitariya, sanitariya-epidemiologiya, veterinariya va ekologik nazorat o‘tkazish bo‘yicha ko‘rsatiladigan xizmatlarning ro‘yxati tasdiqlanadi.

Vakolatli organlar:

fitosanitariya, sanitariya-epidemiologiya, veterinariya va ekologik nazorat o‘tkazish bo‘yicha ko‘rsatiladigan xizmatlarning oferta shakllarini o‘zlarining ichki idoraviy buyrug‘i bilan tasdiqlaydi va o‘zlarining rasmiy veb-saytlaridan olish imkoniyatini yaratadilar;

oferta shaklidagi fitosanitariya, sanitariya-epidemiologiya, veterinariya va ekologik nazorat o‘tkazishda ko‘rsatiladigan xizmatlarda eksport-import operatsiyalarini amalga oshirishda talab etiladigan ruxsat etish xususiyatiga ega hujjatlar va sertifikatlarni “Yagona darcha” bojxona axborot tizimi orqali rasmiylashtirilishi inobatga olinadi;

ular tomonidan qabul qilingan normativ-huquqiy hujjatlarni mazkur qarorga muvofiqlashtiradilar.

Oferta shakliga o‘tkaziladigan fitosanitariya, sanitariya-epidemiologiya, veterinariya va ekologik nazorat o‘tkazish bo‘yicha ko‘rsatiladigan xizmatlarning ro‘yxati

T/r	Davlat xizmatining nomi	Davlat xizmati ko‘rsatilayotgan ariza beruvchilar toifalari	To‘lov turi va miqdori	Davlat xizmati ko‘rsatish natijasi
O‘zbekiston Respublikasi Sog‘liqni saqlash vazirligi
1.	O‘zbekiston Respublikasida ishlab chiqariladigan va chetdan olib kelinadigan oziq-ovqat mahsulotlariga, ularni ishlab chiqarish vositalariga va xalq iste'moli mollariga sanitariya-epidemiologik xulosa	Jismoniy va yuridik shaxslar	Pullik	Xulosa
2.	Ishlab chiqariladigan va chetdan keltiriladigan mahsulotlarga sanitar-epidemiologik xulosa	Jismoniy va yuridik shaxslar	Pullik	Xulosa
O‘zbekiston Respublikasi Ekologiya va atrof-muhitni muhofaza qilish davlat qo‘mitasi
1.	Ekologik xavfli mahsulotlar va chiqindilarni O‘zbekiston Respublikasi hududiga olib kirish va olib chiqish	Jismoniy va yuridik shaxslar	Bepul	Sertifikat
2.	Ozonni buzuvchi moddalar va tarkibida ular bo‘lgan mahsulotlarning O‘zbekiston Respublikasiga import va O‘zbekiston Respublikasidan eksport qilishga ruxsatnoma berish	Jismoniy va yuridik shaxslar	Pullik	Ruxsatnoma
3.	Suvdan maxsus foydalanish yoki suvni maxsus iste'mol qilish uchun ruxsatnoma berish	Jismoniy va yuridik shaxslar	Pullik	Ruxsatnoma
4.	Chiqindilarni saqlash va ko‘mish maqsadlarida yer osti inshootlari qurish va ulardan foydalanish uchun yer qa'ri uchastkalaridan foydalanish huquqi uchun litsenziya	Yuridik shaxs	Pullik	Lisenziya
5.	Yovvoyi hayvonlarni, ularning qismlarini, shuningdek yashash faoliyati mahsulotlarini olib kirish va chetga olib chiqishga ruxsatnoma	Jismoniy va yuridik shaxslar	Pullik	Ruxsatnoma
6.	Yovvoyi o‘simliklarni, ularning qismlarini, shu jumladan O‘zbekiston Respublikasining Qizil kitobiga kiritilganlarini olib kirish va olib chiqishga ruxsatnoma	Jismoniy va yuridik shaxslar	Pullik	Ruxsatnoma
7.	Yovvoyi hayvonlarni ovlashga ruxsatnoma	Jismoniy va yuridik shaxslar	Pullik	Ruxsatnoma
8.	O‘zbekiston Respublikasining Qizil kitobiga kiritilgan kamyob va yo‘qolib ketish xavfi ostidagi yovvoyi hayvonlarni tabiiy muhitdan olishga ruxsatnoma	Jismoniy va yuridik shaxslar	Pullik	Ruxsatnoma
9.	Yovvoyi hayvonlarni saqlash va urchitish bo‘yicha pitomniklarning, shuningdek zoologiya kolleksiyalarining hisobga qo‘yilganligi to‘g‘risidagi guvohnoma	Jismoniy va yuridik shaxslar	Pullik	Guvohnoma
10.	O‘zbekiston Respublikasiga olib kiriladigan benzin va dizel motorlari bilan jihozlangan "M2", "M3" va "N2" toifalaridagi yangi avtotransport vositalarini "Yevro-2" ekologik darajadan kam bo‘lmagan talablarga muvofiqligi bo‘yicha ekologik sertifikatlashtirish	Jismoniy va yuridik shaxslar	Bepul	Sertifikat
11.	O‘simliklarni himoya qilish vositalarini tajriba sifatida qo‘llashga ruxsatnoma	Jismoniy va yuridik shaxslar	Pullik	Ruxsatnoma
12.	O‘zbekiston Respublikasining butun hududidagi, davlat o‘rmon fondiga kirmaydigan yerlardan tashqari, Qizil kitobga kiritilmagan o‘simlik turlarini yig‘ish (tayyorlash)/tabiiy muhitdan ajratib olishga ruxsatnoma	Jismoniy va yuridik shaxslar	Pullik	Ruxsatnoma
13.	Yo‘q bo‘lib ketish xavfi ostidagi yovvoyi fauna va flora turlari bilan xalqaro savdo qilish to‘g‘risidagi Konvensiya (SITES) I, II va III ilovalariga kiritilgan hayvonlar turlari namunalari va o‘simliklar turlari namunalarini olib kirish va chetga olib chiqishga ruxsatnoma	Jismoniy va yuridik shaxslar	Pullik	Ruxsatnoma
14.	O‘zbekiston Respublikasi Qizil kitobiga kiritilgan kamyob va yo‘qolib ketish xavfi ostidagi o‘simlik turlarini tabiiy muhitdan olish uchun ruxsatnoma	Jismoniy va yuridik shaxslar	Pullik	Ruxsatnoma
15.	Xavfli yuklarning tranzitiga xulosalar berish	Yuridik shaxs	Bepul	Xulosa
16.	Davlat ekologik ekspertizasi	Jismoniy va yuridik shaxslar	Pullik	Xulosa
O‘zbekiston Respublikasi Veterinariya va chorvachilikni rivojlantirish davlat qo‘mitasi
1.	Veterinariya faoliyatini litsenziyalash	Jismoniy va yuridik shaxslar	Pullik	Lisenziya
2.	Ixtisoslashgan so‘yish korxonalarining veterinariya, veterinariya-sanitariya qoidalari va me'yorlariga muvofiqligi haqida veterinariya-sanitariya xulosasi berish	Jismoniy va yuridik shaxslar	Bepul	Xulosa
3.	Hayvonotga mansub mahsulot va xomashyolarni ishlab chiqarish, saqlash va sotish bilan shug‘ullanuvchi sub'yektlar faoliyatining veterinariya, veterinariya-sanitariya qoidalari va me'yorlariga muvofiqligi haqida veterinariya-sanitariya xulosasi berish	Jismoniy va yuridik shaxslar	Bepul	Xulosa
4.	Mahalliy va import qilinadigan veterinariya dori vositalari hamda ozuqabop qo‘shimchalarni ro‘yxatdan o‘tkazish va ularga ro‘yxatdan o‘tkazilganlik guvohnomasi berish	Jismoniy va yuridik shaxslar	Pullik	Guvohnoma
5.	Davlat veterinariya xizmati nazorati ostidagi tovarlarni eksport va importi uchun veterinariya sertifikati (guvohnoma) rasmiylashtirish	Jismoniy va yuridik shaxslar	Pullik	Sertifikat (guvohnoma)
6.	Temiryo‘l vagonlari, kemalar, samolyot va boshqa transport vositalarini veterinariya-sanitariya ishlovidan o‘tkazilganligi haqida ma'lumotnoma rasmiylashtirish	Jismoniy va yuridik shaxslar	Pullik	Ma'lumotnoma
7.	Hayvonlarni identifikatsiya qilish, ularni hisobga olish, hisobdan chiqarish va saqlash	Jismoniy va yuridik shaxslar	Pullik	Pasport
8.	Hayvonlar kasalliklariga tashxis qo‘yish, ozuqalarning, shuningdek chorvachilik obektlarida ichimlik suvining sifatini baholash xulosalarini berish	Jismoniy va yuridik shaxslar	Bepul, pullik	Xulosa
9.	Bozorlarda, savdo tashkilotlarida va boshqa savdo obektlarida kelib chiqishi hayvonotga mansub mahsulot va xomashyoni, shuningdek o‘simlik oziq-ovqat mahsulotlarini realizatsiya qilishda veterinariya-sanitariya ekspertizasi xulosasi berish	Jismoniy va yuridik shaxslar	Bepul, pullik	Xulosa
10.	Sotilayotgan mahsulotning veterinariya qoida va normalari talablariga muvofiqligini tasdiqlovchi veterinariya xulosasi	Jismoniy va yuridik shaxslar	Bepul, pullik	Xulosa
O‘zbekiston standartlashtirish, metrologiya va sertifikatlashtirish agentligi
1.	Import qilinadigan tovarlarni yuklashdan oldin inspeksiyadan o‘tkazish xizmatlarini ko‘rsatuvchi inspeksiya organlarini akkreditatsiya qilish	Yuridik shaxs	Pullik	Guvohnoma
2.	Mahsulotlarni sertifikatlashtirish	Jismoniy va yuridik shaxslar	Pullik	Muvofiqlik sertifikati
3.	Mahsulotlarni sinovdan o‘tkazish	Jismoniy va yuridik shaxslar	Pullik	Muvofiqlik sertifikati
O‘zbekiston Respublikasi Vazirlar Mahkamasi huzuridagi O‘simliklar karantini davlat inspeksiyasi
1.	Karantin ruxsatnomasini berish	Jismoniy va yuridik shaxslar	Pullik	Ruxsatnoma
2.	Fitosanitar sertifikatni/reeksport fitosanitar sertifikatini berish	Jismoniy va yuridik shaxslar	Pullik	Sertifikat
3.	O‘simliklar karantini nazoratidagi mahsulotlarni ochmasdan transport birligiga dalolatnomani rasmiylashtirish	Jismoniy va yuridik shaxslar	Pullik	Dalolatnoma
4.	O‘simliklar karantini nazoratidagi mahsulotlarni respublika hududida tashishda ularda karantin nazoratidagi organizmlar mavjud emasligini tasdiqlovchi dalolatnoma	Jismoniy va yuridik shaxslar	Pullik	Dalolatnoma
5.	Eksport va import qilinayotgan karantin ostidagi mahsulotlarni, zararsizlantirish (fumigatsiya)	Jismoniy va yuridik shaxslar	Pullik	Dalolatnoma