Professor, hokim, öqituvçi va «Zulfiyaçi»: Prezident mukofotlagan xotin-qizlar bilan suhbat
|03:00 / 08.03.202032 7507 min
Bugun, 8 mart kuni Toşkentdagi «Özekspomarkaz» Milliy körgazmalar kompaniyasi pavilonida Xalqaro xotin-qizlar kuni munosabati bilan bayram tadbiri bölib ötdi.
Tadbirda Özbekiston prezidenti Şavkat Mirziyoyev iştirok etdi va vatan ravnaqi, xalq farovonligi, soğlom va barkamol avlod tarbiyasi, oila va jamiyat asoslarini mustahkamlaş yölidagi munosib xizmatlari uçun bir guruh xotin-qizlarni yuksak unvon, orden va medallar bilan mukofotladi.
Prezident bayram tabrigida haj ziyorati uçun yiqqan mablağini mahalladoşlariga beğaraz yordamga sarflagan riştonlik tadbirkor Izrabu Usmonova, qişloq ahli uçun öz hisobidan «Mumtoz» nomli katta kutubxona oçgan sayxunobodlik Gavhar Husanova, 32 yoşida Amerika Qöşma Ştatlaridagi nufuzli Kolumbiya universitetining professori bölgan Aziza Şonazarova kabi xotin-qizlarning faoliyatini alohida ta'kidladi.
Bayram tadbirida qatnaşgan Kun.uz muxbiri faoliyati prezident tomonidan e'tirof etilgan xotin-qizlarning bir neçtasi bilan suhbatlaşdi.
«Orden berişlaridan xabarim yöq edi»
Aziza Şonazarova
«Bugun hayotimdagi eng baxtli kunlardan biri. Prezident meni «Döstlik» ordeniga loyiq kördi. Rosti, bundan xabarim yöq edi», – deydi bayram va mukofotlaniş xursandçiligi bilan gapirgan Aziza Şonazarova.
— Mukofotni olayotganda Şavkat Mirziyoyev bilan bir neça daqiqa suhbatlaşdingiz. Ayting-çi, prezident sizga nima dedi?
— Aziza, biz siz bilan faxrlanamiz. Özbekistonga tez-tez kelib turing, dedi.
Men Özbekistonga yilda bir-ikki marta kelib turaman.
Markaziy Osiyoda tasavvufning rivojlanişida ayollarning qöşgan hissasi mavzusiga qiziqaman. Doktorlik dissertatsiyam ham Markaziy Osiyoda söfiy ayollar va gender tarixi bilan boğliq.
Mavzuga oid
Şu sababli, prezidentga ham endilikda Özbekistonga tez-tez kelib turişimni aytdim.
Özbekistonda gender tengligini ta'minlaş böyiça alohida dastur tuzilgani katta voqelik. Bu ayollarga nisbatan hurmat belgisi.
«Muloqotda oçiqlik, xalq bilan maslahatda işlaş va taşabbuskorlik – yangiça işlaşning asosi»
Zulayho Mahkamova
Prezident bugun biz xotin-qizlarni nafaqat bayram bilan tabrikladi, balki oldimizdagi bir yillik uçun juda muhim vazifalarni belgilab berdi, deydi Töraqörğon tumanining yangi hokimi Zulayho Mahkamova.
— Odatda viloyat va tuman rahbarlarining ayrimlari eskiça fikrlagani uçun tanqid qilinadi. Ayting-çi, bugun yangiça fikrlaydigan rahbar, hokim deb kimlarni aytiş mumkin? Siz öz iş faoliyatingizda nimalarga köproq e'tibor bermoqçisiz?
— Bu borada prezident Şavkat Mirziyoyev faoliyati bizga yaxşi namuna böla oladi.
Muloqotda oçiqlik, turli masalalarda xalq bilan maslahatda işlaş va doimiy taşabbuskorlik – yangiça işlaşning asosi desa böladi.
Bugun qaysiki rahbar ana şu fikr, xulosa bilan işlayotgan ekan, demak u yangi davr ruhiga moslaşa olgan.
Men tuman hokimi sifatidagi faoliyatimda ijtimoiy-iqtisodiy, siyosiy, sport, umuman, barça yönalişlarda töraqörğonliklar bilan kengaşib iş qilişga, ular bilan doimiy va eng muhimi, samimiy muloqot örnatişga harakat qilaman.
Bu boradagi işlarimizni ilm-ma'rifatga asoslangan holda holda taşkil qilamiz.
Ma'lumot uçun, Zulayho Mahkamova şu yilning 4 mart kuni Namangan viloyati Töraqörğon tumani hokimi vazifasiga tayinlangan edi.
«Kutubxonamizni juda tez meva beradigan mevali daraxtga öxşataman»
Gavhar Husanova
Faoliyati prezident tomonidan e'tirof etilgan ayollardan yana biri Gavhar Husanova. Undanprezident farmoniga köra «Şuhrat» medali bilan taqdirlangani hamda qişloq aholisi uçun taşkil qilgan kutubxona haqida söradik.
— 2004 yilda Guliston davlat universitetining filologiya yönalişni tamomlab, örta maktabda öqituvçilik faoliyatini boşladim.
2015 yilda turmuşga çiqqanimda yangi oilamga 470dan ortiq kitob bilan kelganman. Qarangki, qaynonam ham ona tili öqituvçisi bölgani uçun uyimizda mingdan ortiq badiiy kitoblar bor edi. Qarabsizki, qaynonam ikkimizning kitoblarimiz qöşilib uyda mö'jazgina kutubxona taşkil böldi.
Qaynona-kelin öqituvçilik faoliyatimizda öquvçilarga badiiy kitoblarni öqişni uyga vazifa qilib berardik. Öquvçilar esa kitoblarni biznikiga kelib öqişardi.
Borib-borib uyimizdagi kutubxona butun bir qişloq aholisi foydalanadigan kutubxonaga aylandi.
2018 yilda aholiga madaniy-maişiy xizmat körsatuvçi markaz oçdik. Uning içida albatta kutubxona ham bor edi.
Hozirga kelib kutubxonamizda 8670dan ortiq kitob töplangan.
Men kutubxonamizni juda tez meva beradigan bir mevali daraxtga öxşataman.
«Mukofot qançalik katta bölmasin, u qizbolaga oila va farzand östirişdek ahamiyatli bölolmaydi»
Bugun prezident Şavkat Mirziyoyev farmoni bilan yigirma sakkiz nafar faol qiz Zulfiya nomidagi Davlat mukofoti bilan taqdirlandi. Ular orasida qaşqadaryolik Madina Norçayeva ham bor.
Madina Norçayeva onasi bilan (Facebook sahifasidan olindi)
— Madina, avvalo mukofot bilan tabriklayman va biroz öylantiradigan savol bermoqçiman. Şu paytga qadar 311 nafar qizlar bu mukofot bilan taqdirlangan ekan. Özingiz ham eşitgansiz, odatda “Zulfiyaçi” qizlarni har safar mukofot olgandan keyin yöqolib qolişda ayblaşadi.
— Tabrik uçun rahmat. «Zulfiya» mukofoti bu yil yigirmançi bor topşirilayotgan ekan. Öylaymanki, bunda bir sirli ma'no bordek.
Siz bergan savolga kelsak. Fikringiz töğri va buni qiz bolaning oila va jamiyatdagi vazifalari bilan ham boğlagan bölardim.
Bu mukofot köp hollarda yoş jihatidan ham turmuşga çiqişga yaqin turgan yoki turmuşga çiqqan qizlarga nasib qiladi. Qizlar turmuşga çiqadi va yangi oiladagi yangi muhit, kelinlik burçi, farzand tarbiyasi hamda köpçilik oilalarda qiz bolaga nisbatan qöyiladigan çeklovlar sabab öz qobiliyatlarini töla namoyon qilolmay qolişadi. Öylaymanki, mana şu nuqtada xotin-qizlarga köproq kömak, yordam zarur.
Ikkinçidan, mukofot qançalik katta bölmasin, u qizbolaga oila va farzand östirişdek ahamiyatli bölolmaydi.
«Zulfiyaçi» qizlarning mukofotni olib jim bölib ketişini sabablarini şularda köraman.
Lekin biz jim bölib ketmoqçi emasmiz. Ijodiy izlanişda davom etamiz.
