Farg‘onada karantin qoidalarini buzib, ommaviy tartibsizlik keltirib chiqarishga uringan shaxsga jazo tayinlandi 

O‘zbekistonda koronavirus infeksiyasining keng tarqalishini oldini olish maqsadida ishlab chiqilgan karantin qoidalarini qasddan buzish holatlari hamon davom etmoqda.

29 mart kuni Farg‘ona shahridagi dehqon bozorida Farg‘ona shahrida yashovchi X.M. karantinli va inson uchun xavfli bo‘lgan boshqa yuqumli kasalliklar tarqalishi sharoitida ichki ishlar organlarining qonuniy talablariga bo‘ysunmasdan tartibsizlik keltirib chiqarishga uringan.

Farg‘ona viloyati IIB matbuot xizmati xabar berishicha, X.M. bozor hududida fuqarolarga tushuntirish berayotgan profilaktika inspektori M.Kazakov va boshqa xodimlarning qonuniy talablarini bajarmaslikka da'vat qilib, ommaviy tartibsizlik keltirib chiqarishga harakat qilgan. Shuningdek, ichki ishlar organlari xodimlari o‘z xizmat burchlarini bajarishiga qarshilik ko‘rsatgan. Karantin sharoitida barcha uchun majburiy amal qilayotgan yuzga niqob taqish tartibiga ham amal qilmagan.
 
«Yakunda ushbu fuqaroga nisbatan zarur hujjatlar to‘planib, Farg‘ona shahar ma'muriy sudiga yuborildi. 

Sud fuqaro X.M.ni Ma'muriy javobgarlik to‘g‘risida kodeksning 54 va 195-moddasida ko‘rsatilgan huquqbuzarlikni sodir etgan deb topib, besh sutka ma'muriy qamoq jazosi tayinladi», deyiladi xabarda.