17:10 / 12.06.2020
2492
Тошкент давлат иқтисодиёт университети ва «Kafil Sug‘urta» компанияси ўртасида ўзаро ҳамкорлик меморандуми имзоланди

Жорий йилнинг 10 июнь куни «Kafil Sug‘urta» компанияси ва Тошкент давлат иқтисодиёт университети ўртасида ўзаро ҳамкорлик меморандуми имзоланди.

Келишув Ўзбекистон Республикаси Президентининг 2019 йил 2 августдаги «Ўзбекистон Республикасининг суғурта бозорини ислоҳ қилиш ва жадал ривожланишини таъминлаш чора-тадбирлари тўғрисида»ги ва «Олий маълумотли мутахассислар тайёрлаш сифатини оширишда иқтисодиёт соҳалари ва тармоқларининг иштирокини янада кенгайтириш чора-тадбирлари тўғрисида»ги қарорлари ижросини таъминлаш мақсадида амалга оширилди.

Меморандумда талаба ёшлар ўртасида суғурта маданиятини ошириш, фан-таълим-ишлаб чиқариш интеграциясини такомиллаштириш ва уларни касбга йўналтириш, суғурта бозори мутахассисларини тайёрлаш, қайта тайёрлаш ва малакасини ошириш, замонавий ўқитиш услубларидан фойдаланишни такомиллаштириш, аҳолига кўрсатилаётган суғурта хизматлари сифатини ошириш, шу билан бирга аҳолини суғуртавий ҳимоялаш кўламини кенгайтириш мақсад қилинган.

Мазкур меморандум доирасида қуйидаги ишларни амалга ошириш режалаштирилди:

  • Тошкент давлат иқтисодиёт университети қошида «Kafil Sug‘urta» компаниясининг «Малакали ходимлар тайёрлаш тармоқ маркази»ни ташкил этиш;
  • суғурта бозоридаги кучли рақобат, тақдим этилаётган суғурта хизматлари сони ва сифати, шу билан бирга, суғурта бозорининг илғор ва инновацион тажрибаларини инобатга олиб ўқув курслари, тайёрлаш ва қайта тайёрлаш ва малака оширишнинг замонавий усулларини кенг қўллаган ҳолда ёш, малакали ва замонавий суғурта агентларини тайёрлаш ҳамда бу орқали суғурталанувчиларнинг шахсий ва мулкий манфаатларига мос ишончли суғурта ҳимоясини тақдим этиш;
  • фан ва ишлаб чиқаришнинг инновацион ҳамкорлигини амалга ошириш асосида инновацион-корпоратив ҳамкорликни йўлга қўйиш мақсадида университетнинг «Бухгалтерия ҳисоби» ва «Молия» кафедралари билан ўзаро ҳамкорлик алоқаларини йўлга қўйган ҳолда марказ фаолиятини такомиллаштириш мақсад қилинган.

Қўшимча маълумотлар:

Расмий сайт: www.kafil.uz

Телеграмдаги расмий канал: t.me/kafiluz

Мурожаат учун: +99871 2000414 (24 соат)

Реклама ҳуқуқи асосида

Top