Ўзбекистон доимий аҳолисининг сони 34,19 млн кишига етди
Ўзбекистоннинг доимий аҳолиси сони 2020 йил 1 июль ҳолатига кўра 34 миллион 191 минг 700 кишини ташкил этмоқда. Бу ҳақда Давлат статистика қўмитаси матбуот хизмати маълум қилди.
Қайд этилишича, шундан 17 миллион 301 минг киши шаҳар ҳудудида ва 16 миллион 890 минг 700 киши қишлоқ жойларида истиқомат қилмоқда.
Мамлакат доимий аҳолиси сони йил бошидан 285,9 минг кишига кўпайган.
2020 йил 1 январда бу кўрсаткич 33 миллион 905 минг 800 минг кишини, 1 апрелда эса 34 миллион 36 минг 756 кишини ташкил этган.
