Messi «Barsa»ni çorak finalga olib çiqdi. Navbatda «Bavariya»
|16:03 / 09.08.202023 17015 min
Kataloniyaliklar sardori ğalaba golini urdi va penalti işladi, kök-anorranglilar «Napoli»ni mağlub etdi (3:1), jamoa çorak finalga çiqdi va 14 avgust kuni «Bavariya» bilan töqnaşadi.
Bolalar boğçasi
«Barselona» öz muxlislariga OAV orqali özi haqida yangidan yangi xabarlarni yetkazişdan töxtamayapti. Gohida murabbiy almaşişi haqidagi mojarolar, gohida Messining şartnomasi va uning kelajagi böyiça noaniqliklar, gohida Jozep Bartomeuning navbatdagi xato qarorlari...
Şunday xabarlardan biri — yarimhimoyaçi Artur jamoaga qaytişdan boş tortgani bilan boğliq. Braziliyalik bu futbolçi özini Pyaniçga almaştirişgani uçun xafa böldi va mavsum yakunidagi öyinlarda maydonga tuşmaslikka qaror qildi. Sönggi lahzalarda u baribir Braziliyadan Barselonaga uçdi, koronavirusga test topşirdi va «Kamp Nou»ga yöl oldi. Ammo uni stadionga kiritişmadi.
Buskets va Vidal diskvalifikatsiya qilingan. Dembele va Umtiti jarohatda. Kike Setenning ixtiyorida jami 13 (!) futbolçi qolgandi. Butun dunyoga öz akademiyasi bilan maşhur bölgan jamoada YeÇL öyiniga tuşişga tayyor bölgan atigi ön uç futbolçi... Şifokorlar sönggi pallalarda Langlega öynaşga ruxsat berişdi. Bunday vaziyatda murabbiy hali yoş bölgan Ansu Fati va Puçga tayanişi mumkin edi (u bu futbolçilarni ikkinçi bölimda öynatişni rejalaştirdi, ammo bunga hojat qolmadi), şuningdek, hali xalqaro turnirlarda biror öyin ötkazmagan akademiya futbolçilari çaqirildi. Haqiqiy bolalar boğçasi.
Mehmonxonadagi izolyatsiya
Jyennaro Gattuzoda jiddiy muammolar yöq edi. Birgina Insinening maydonga tuşişi söroq ostida edi.
Mavzuga oid
Neapolitanliklar soğliq va ehtiyotkorlik çoralari haqida jiddiy qayğurişdi. Jamoa öyindan oldingi sönggi maşğulotni ham juma kuni Italiyada ötkazdi va şundan söng charter reys orqali Barselonaga uçdi. «Napoli» mehmonxonaga qamalib oldi, jamoa futbolçilari şahar aylanişga çiqişmadi. Öyinga bir yarim soat qolganida «Kamp Nou»ga yöl olişdi.
Messi uçun matras
COVID-19 mavzusi barçani ehtiyot bölişga majbur qilmoqda. Mundo Deportivo naşri Messi maxsus divanda - noodatiy matrasda uxlayotgani haqida yozib çiqdi. Unda nanoqismlar bölib, ular tört soat davomida viruslarni yöq qiladi. Aytişlariça, bu koronavirusdan 99,84 foizga himoyalaydi. Ayrim modellar ham uyquni yaxşilaş uçun şunday yotoqlardan foydalanişadi.
Messi özi va oila a'zolari uçun Ispaniya kompaniyalaridan biri işlab çiqargan şunday matraslarni sotib olgan.
Sotuvlar
Kök-anorranglilar jamoasining uşbu öyinga tayyorgarlik körişi jamoadagi ulkan özgarişlar haqidagi doimiy muzokaralar fonida keçdi. «Bozor oçiq» — Barselonadagi Sport naşri şunday muqova bilan çiqdi, birinçi sahifada ayrim suratlar örin olgandi:
— transferi hal bölgan Pyaniç (u yaqin kunlarda jamoaga qöşiladi), Trinkau, Pedri va Mateus;
— yozgi transferlardagi asosiy nişonlar sifatida qaralayotgan Lautaro Martines va Erik Garsiya;
— sotuvga qöyilgan yoki allaqaçon sotilgan Artur, Koutinyu, Todibo, Breytueyt, Rafinya, Xunior Firpo, Rakitiç va Umtiti kabilar.
«Barsa» tarkibni kuçaytirişga harakat qilmoqda, «Barsa»ga transferlar uçun pul kerak, «Barsa» bu pullarni faqat öz futbolçilarini sotiş evaziga topişi mumkin. Buning imkoni böladimi? Hozirça bu futbolçilarga talab yuqori emas.
Maydondagi joylaşuv
Ispaniyadagi öyinga biroz vaqt qolganida Seten öyinni 3-5-2 sxemasida boşlaşni rejalaştirayotgani haqida gaplar tarqalgandi, ammo u tezda bu ğoyadan voz keçdi va 4-3-1-2 sxemasini tanladi, unga köra oldinda Messi, Suares va Grizmann harakatlanadi, ularni orqaroqdan de Yong, Rakitiç va Serji Roberto qöllab-quvvatlaydi. Jamoa bu sxemada köp marta muvaffaqiyatli öynagan. Barçasi kutilganidek böldi.
Sariq kartoçkalar
Hal qiluvçi öyin oldidan ikki jamoada ham bir neça yetakçi futbolçilar ikkinçi sariq kartoçkadan saqlanişga majbur holatga kelgandi. «Barsa»da Semedu, Grizmann va... Messida çorak finaldan diskvalifikatsiya böliş xavfi bor edi. «Napoli»da — Kulibali, Lorente va Mariu Rui.
Kataloniyaliklar diskvalifikatsiyadan qoçişga muvaffaq bölişdi - Junayt Çaqirga «ortiqça» sariq kartoçka körsatişga sabab qoldirişmadi. «Barsa» futbolçilarining «sariqlari» kuyib ketdi, ular endi «Bavariya»ga qarşi öyinni «toza» holda boşlaşadi.
Langlening birinçi goli
Endi «Kamp Nou»dagi öyin haqida. Oqlar öyinnni zarbalar bilan boşlaşdi va xavfli hujumlar uyuştirişdi. «Napoli» ilk daqiqalardanyoq hisobni oçib, öyin taqdirini hal qilib qöyişi mumkin edi. Samedu va Pike orqali rikoşetlar seriyasidan keyin töp darvozaga yaqin turgan Mertensga kelib tuşdi, ammo u töpni darvoza töriga joylay olmadi. Töp ustunga tegib maydondan çiqib ketdi.
Mehmonlar faol, keskin va qiziqarli öynaşdi, töpga egalik qilişdi, hujumlar qilişdi. Lekin golni «Barsa» urdi. Jordi Alba qarşi hujum uyuştirdi, Suares töpni Messiga ötkazib yubordi, argentinalikning zarbasidan keyin burçak töpi belgilandi. Töp burçakdan oddiygina qilib yuqorilatib uzatildi — Langle deyarli yuqori sakramasdan boş bilan Ospinaning uzoq burçagini aniq nişonga oldi. Bu vaziyatda u raqib himoyaçisini biroz turtib yuborgan bölsada, hakam bunga ortiqça e'tibor qaratmadi.
Bu uşbu himoyaçining kök-anorranglilar safida Çempionlar ligasi öyinida urgan ilk goli böldi. U avval ham turnirda gol urgan, «Sevilya» safida «Spartak» darvozasini işğol etgandi.
Messi
Şundan söng argentinalik futbol dahosi katta sahnaga çiqdi. Messi raqib jarima maydoniga şiddat bilan yorib kirib, yiqilib, örnidan turib, töpni yöqotmagan holda olğa intildi va yana bir marta yiqiliş oldidan çap oyoğida bergan zarbasi bilan töpni himoyaçilar orasidan darvozaning olis burçagiga yönaltirdi. «Kamp Nou»dagi YeÇL doirasidagi 68 öyinda urilgan 67 gol. Avvalgi 66 golini urgan öyinlarda u va jamoa faqat ikki marta yutqazgan, şanba kungi öyinda ham raqibga oçko berilmadi.
«Napoli» — Lionel YeÇL öyinlarida darvozasini işğol etgan 35-jamoa böldi. Kriştianu Ronalduning röyxatida bunday jamoalar soni ikkitaga kamroq.
Öyin davomida bu buyuk futbolçi dubl ham qayd etdi. Ammo de Yongning zargarona uzatmasidan keyin Messi töpni öziga böysundirişda qölini işlatgani ma'lum böldi. Videoarbitrlar Mete Kalkavan va Ali Palabiyik takroriy lavhalardan keyin golni bekor qilişdi va hisob özgarmay qoldi.
Ammo bölim oxirida u baribir boşqa yöl bilan maqsadiga erişdi, Kulibali töpni jarima maydonidan uzoqlaştirmoqçi bölganida orqadan kelib töpga oyoq qöygan Messini körmay qoldi va uning töpiğiga zarba berdi. Junayt Çaqir buni körmagandi — videoassistentlar yordamida penalti belgilandi va Suares kuçli zarbasi bilan hisobni 3:0 körinişiga keltirdi. Umumiy hisob 4:1 körinişini oldi. Bunday vaziyatda mehmonlar öyinga qaytişi mumkin edimi?
Ha. Çunki Rakitiç Kulibalining xatosini takrorladi, birinçi bölimga qöşib berilgan daqiqalarda u Mertensga xuddi şu tarzda qöpollik qildi. Insine 11 metrlik nuqtadan aniq zarba berib, jamoasining imkoniyatlarini saqlab qoldi.
«Barsa» istamadi, «Napoli»ning qölidan kelmadi
Ikkinçi bölimda Seten futbolçilarni almaştirişga şoşilmadi, kataloniyaliklar kuç sarflamaslik uçun hujum qilişmadi va qisqa paslar bilan pozitsion futbol namoyiş etişdi. Messi ikkinçi bölimdadeyarli körinmadi, Suaresni esa faqat raqiblar bilan töqnaşuvlar vaqtida katta planda körsatişdi.
Öyinning bu qismida köp işni de Yong öz zimmasiga oldi, u işonç bilan töpni jamoada saqlab turdi va jamoa bosimni deyarli his qilmadi. Uning klassik darajadagi uzatmalari maydonda öyin juda zerikarli bölib ketmasligini ham ta'minladi.
Öyinning 81-daqiqasida Milik yana bir gol urgandi. Ammo hakam yordamçisi Baxattin Duran u «öyindan taşqari» holatda bölganini qayd etdi.
Kök-anorranglilar öyinning ikkinçi qismida pragmatik öyin bilan hisobni hakam huştagi çalinişiga qadar saqlab turdi. Jamoa Turin va Madridning ikki jamoasidan farqli ravişda aqlliroq öynadi va navbatdagi Çempionlar ligasi kubogi uçun yölni davom ettirdi. Hozirça Seten va Rakitiç bilan.
Levandovski «Bavariya»ni çorak finalga olib çiqdi
Foto Reuters
Polşalik hujumçining ikki goli va ikki golli uzatmasi myunxenliklar ikkinçi marta «Çelsi»ni tor-mor etişi (4:1) va çorak finalga çiqişini kafolatladi. Çorak finaldagi raqib — «Barselona».
Sport nuqtayi nazaridan bu öyin nimçorak finaldagi barça qarama-qarşiliklar orasida eng zerikarli bölişi kerak edi, fevralda «Stemford Brij»dagi öyindayoq nemislar inglizlarga heç qanday imkoniyat qoldirişmagandi. Asosiy yevrokubok tarixida hali biror marta pley-offning birinçi uçraşuvida öz uyida uç yoki undan ortiq javobsiz gol ötkazgan jamoa keyingi bosqiçga öta olmagan. Bunday mağlubiyatlarning jami soni 92ta bölgan, şunday ekan «Çelsi» javob öyinida faqat özi uçun öynaşi mumkin edi, Frenk Lempard yoşlarga tajriba töplaş uçun imkoniyat berişga qaror qildi.
Xans Flik olib borgan işlar natijasida «Bavariya» sönggi yillarda nihoyat kubok uçun asosiy da'vogarga aylandi. Myunxenliklar sönggi rasmiy öyinni 4 iyul kuni ötkazişgandi, yevrokuboklarga qaytiş arafasidagi repetitsiyada «Marsel» sparring vazifasini bajarib bergandi (1:0). Germaniya çempionlari bu öyinni odatiy yiğin ritmida ötkazgan, tanaffusda jamoaning yarmi almaştirilgandi, qolgan futbolçilarga ham ikkinçi bölimning dastlabki 15 daqiqasida dam berildi.
Öşa öyinda e'tiborga molik jihat oğir jarohat tufayli butun mavsumni ötkazib yuborgan Zyule yana maydonga tuşişi bölgandi. Agar «Çelsi» bilan öyinni oxirigaça yetkaza olmagan Boatengning jarohati jiddiy bölib çiqsa, Niklas keyingi öyinda ilk daqiqalardan maydonga tuşişga tayyor bölişi kerak böladi. Boşqa variantlar yöq, Pavar ham olti haftagaça öyindan taşqarida qolgan va agar jamoasi finalgaça yetib borsa ham u öynay olmaydi.
Umuman olganda, bir oylik tanaffus «Bavariya» öyiniga salbiy ta'sir körsatmagan. «Marsel» bilan öyinda jamoa 19-daqiqadayoq hisobni oçgandi. «Çelsi» 10-daqiqadayoq öyinni maydon markazidan qaytadan boşlaşiga töğri keldi. Bu avvalroq ham sodir bölişi mumkin edi, ammo VAR öyinga aralaşdi. Takrordan keyin Hatsegan «nuqta»ni körsatdi va ofsayd holati bekor qilindi. Levandovski bilan birga-bir vaziyatda qöpollik işlatgan Kabaleroga sariq kartoçka körsatildi, polşalik futbolçining özi penaltini aniq amalga oşirdi.
U öyindagi yakuniy hisobni ham örnatdi, bu gol bilan u öz faoliyatidagi fantastik raqamni qayd etmoqda - mavsumdagi 44 öyinda 53 gol. Şundan 13 gol YeÇL öyinlariga töğri kelmoqda, u bavariyalik maşhur töpurar — Gerd Myullerning natijasini yangilamoqda, şuningdek Mario Gomesning rekordini takrorlamoqda. Levandovskida mutlaq rekordçi böliş imkoniyati ham bor.
Robert — jamoaviy öyinçi. U ikkinçi gol urilgan vaziyatda barça himoyaçilarni özi bilan ovora qildi va Perişiç qulay vaziyatga çiqişini kutdi. Yangi mavsumda u Sane bilan yanada köproq işlar qilişi mumkin.
Ha, bu öyinda Abrahamga gol sovğa qilgan Noyyer xato qildi. Ammo bu xato nazorat öyini qatoridagi öyinda, butun diqqat jalb etilmagan öyinda röy berdi. Çorak finalda «Barselona»ga qarşi öyinda jamoa boşqaça tayyorgarlik bilan tuşadi. Ehtimol bu finaldan oldingi final bölar, Lissabonda «Bavariya» va «Barselona» çorak finalning eng kuçli juftligi ekaniga şubha yöq.
«Çelsi» hozirça bu darajaga çiqa olmadi. Yangi mavsumda Verner, Ziyoş kabi hujumkor futbolçilar qatoriga yangi markaziy himoyaçilar ham kerak, Oblak kelsa darvoza çiziği muammosi ham hal qilinadi. Hozirça londonliklar boşqalar kabi futbol titanlarining janglariga tomoşabin böladi. Noyyer terma jamoasidagi raqobatçisi ter Ştegenga qarşi, şanba oqşomida gollar va paslar yoğdirgan Levandovski Messiga qarşi, Myuller Suaresga qarşi... Bu ulkan qarama-qarşilik böladi, hozirdan muxlislar hayajonga tuşa boşlagan.
Ma'lumot uçun, bu yil YeÇL çorak finaldan jahon çempionati taqvimida davom etadi. Barça 8 jamoa bir şaharda - Lissabonda yiğiladi. Çorak final va yarim final bittadan öyindan iborat.
