01:08 / 04.11.2020
17768
Коронавирусдан кучли ҳимоя ҳосил қилишнинг шарти маълум қилинди 
Фото: mskagency.ru

Коронавирусдан энг кучли ҳимояни коронавирусдан соғайиб, кейин эмланган кишилар олади. Бу ҳақда иммунолог-аллерголог шифокор Владимир Болибок маълум қилди.

“Коронавирусга чалинган ва унга антитаналарга эга одамлар учун вакцина қайта эмланишдек бўлади. Улар янада кўпроқ ҳимояга эга бўладилар”, – деб айтган мутахассис.

Унинг тушунтиришича, коронавирусдан соғайганларда антитаналар ишлаб чиқилиши уларда касаллик қай тарзда кечганига боғлиқ.

“Коронавирусни белгиларсиз ўтказган одамларда антитаналар титри кучсиз бўлади. Бироқ уни оғир ўтказиб, катта дозада стероид гормонлар олганларда ҳам антитаналар миқдори кам бўлади”, – деб айтган шифокор. 

Болибокнинг таъкидлашича, бундай ҳолатларда яхшироқ ҳимояга эга бўлиш учун эмланиш, айниқса, муҳим ҳисобланади.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top