10:36 / 28.11.2020
1748
Коронавирус бўйича 1105 Call-center 1003 билан бирлаштирилди

Ўзбекистонда коронавирус билан боғлиқ вазият мураккаблашган шароитда аҳолининг касаллик билан боғлиқ саволларига ўз вақтида жавоб бериш, тиббий йўл-йўриқ кўрсатиш тизими йўлга қўйилган эди. 

Соғлиқни сақлаш вазирлиги Жамоатчилик билан алоқалар бўлими хабарига кўра, бу тезда самара бериб, аҳолидан келаётган мурожаатлар оқими бир тизимга тушишига сабаб бўлди. 

“Сўнгги вақтларда уй шароитида даволанаётган беморларга ҳамда карантинга олинган шахсларга тиббий маслаҳат ва ахборот бериш мақсадида тун-у кун узлуксиз фаолият кўрсатувчи 1105 қисқа рақамли Call-center’га мурожаатларнинг кескин камайгани кузатилди”, – дейилади маълумотда. 

Қайд этилишича, айни пайтга келиб коронавирус билан боғлиқ эпидемиологик вазият бироз барқарорлашгани инобатга олиниб, 1105 қисқа рақамли Call-centеr фаолиятини вақтинчалик тўхтатиш ва унинг вазифаларини 1003 – Call-марказига юклатиш белгиланди.

Top