JSST dunyo falokat yoqasida turganligidan ogohlantirdi
JSST rahbarining so‘zlariga ko‘ra, dunyoning eng boy 49 mamlakati aholisi 39 million doza vaksina bilan emlanib bo‘lgan bir vaqtda eng qashshoq mamlakatlardan birida atigi 25ta emlash amalga oshirildi.
Dunyo axloqiy falokat yoqasida turibdi, dedi Jahon sog‘liqni saqlash tashkiloti rahbari Tedros Adanom Gebreyyesus. Bu haqda tashkilot tvitterida ma'lum qilindi.
«Ochig‘ini aytaman: dunyo falokatli axloqiy xato yoqasida turibdi va bu xatoning badali insonlar hayoti hamda dunyoning eng qashshoq mamlakatlarida yashash imkoniyati bo‘ladi», — deya uning so‘zlaridan iqtibos keltirmoqda JSST.
Uning so‘zlariga ko‘ra, dunyoning eng boy 49 mamlakati aholisi 39 million doza vaksina bilan emlanib bo‘lgan bir vaqtda eng qashshoq mamlakatlardan birida atigi 25ta emlash amalga oshirildi.
Gebreyyesusning aytishicha, barcha mamlakatlarni vaksina bilan teng taqsimlash rejasi inqirozga uchrash arafasida turibdi.
Avvalroq JSST aholini koronavirusga qarshi emlash ishlari 30dan ortiq davlatda boshlanganini ma'lum qilgandi.
Mavzuga oid
00:26 / 27.10.2024
JSST mpox bilan kasallanish 22 oy ichida rekord darajaga chiqqanini ma’lum qildi
10:30 / 23.10.2024
JSST G‘azo shimolida tinch aholiga nisbatan zo‘ravonlikdan xavotirda
10:59 / 20.10.2024
JSST salomatlik uchun xavfli bo‘lgan 5 turdagi oziq-ovqatlar ro‘yxatini e’lon qildi
23:03 / 19.10.2024