Taqdirlash marosimi «Bolalar farovonligiga investitsiyalar: kelajak avlodlar uchun barqaror va adolatli taraqqiyot yoʻlida» xalqaro sammiti hamda Bolalar onkologiyasi va gematologiyasi boʻyicha II xalqaro kongress doirasida boʻlib oʻtdi.
JSST bosh direktori Ziroat Mirziyoyevaning bolalar manfaatlarini himoya qilish, ayniqsa, onkologik kasalliklar bilan kurashayotgan bolalarni qoʻllab-quvvatlashdagi faoliyatini alohida qayd etdi.
«Muhtaram Birinchi xonim! Siz butun dunyoda bolalar, ayniqsa, onkologik kasalliklar bilan kurashayotgan bolalar manfaatlari yoʻlida chinakam kurashchi, har bir bolaning taʼlim olish va sogʻlom hayot kechirish huquqining himoyachisisiz», - dedi Tedros Adhanom Gebreyesus.
Mazkur mukofot 2019-yilda taʼsis etilgan. U aholi salomatligini muhofaza qilishda aniq natijalarga erishgan, alohida yetakchilik va yuksak yutuqlarni namoyon etgan shaxslarga beriladi.
Avvalgi yillarda mukofot bilan davlatlar va xalqaro tashkilotlar rahbarlari, Nobel mukofoti sovrindorlari, olimlar hamda jamoat arboblari taqdirlangan.
Ularning xizmatlari orasida global emlashni rivojlantirish, yuqumli kasalliklarga qarshi kurashish, tibbiy yordamdan foydalanish imkoniyatlarini kengaytirish va sogʻliqni saqlash sohasida xalqaro hamkorlikni mustahkamlash kabi yoʻnalishlar bor.
