17:20 / 19.03.2021
2897
Сўхдаги йўлларнинг очилиши республика масъуллари иштирокида муҳoкама қилинди
Фото: Сўх тумани ҳокимлиги ахборот хизмати

Сўх туманига Ўзбекистон Республикаси чегара қўшини қўмондонлиги, Давлат божхона қўмитаси вакиллари ташриф буюрди. Бу ҳақда Сўх туман ҳокимлиги ахборот хизмати хабар бермоқда.

Таъкидланишича, масъулларнинг ташрифдан асосий мақсади Сўх тумани ҳудудидаги 8 та чегара назорат-ўтказиш пунктларидаги аҳволни ўрганиш, камчиликларни аниқлаш ва йўловчиларга қулай шарт-шароитларни яратишдан иборатдир.

Қайд этилишича, республикадан келган масъуллар, туман ҳокими Сайидбаҳром Сайидмусаев билан биргаликда «Малбут», «Сой», «Тоён», «Қизилқиёқ», «Девайрон», «Ғазнов», «Тул» ва «Ленбург» маҳалла фуқаролар йиғинида жойлашган чегара назорат-ўтказиш пунктларини кўздан кечирган. Назорат ўтказиш пунктларидаги камчилик ва муаммоларни тез муддатда бартараф этиш ва йўловчиларга қулай бўлган шароитлар яратиб бериш бўйича тегишли идора мутасаддиларига топшириқлар берилган.

Top