IIV huzuridagi Tergov departamenti xabariga ko‘ra, u seyfga jamlangan 82 080 000 so‘m miqdoridagi pul mablag‘larini qo‘lga kiritish maqsadida bankomat ichiga joylashtirilgan seyfni buzmoqchi bo‘lgan, lekin bu ishni oxiriga yetkaza olmasdan hodisa joyidan yashiringan.
Olib borilgan tezkor qidiruv harakatlari natijasida ushbu jinoyatni 26 yoshli Kamoliddin E. sodir etganligi aniqlanib, u protsessual tartibda ushlangan.
Mazkur holat yuzasidan Mirobod tumani bo‘yicha IIO FMB huzuridagi Tergov bo‘linmasi tomonidan Kamoliddin E.ga nisbatan Jinoyat kodeksining 25,169-moddasi 3-qismi “v” bandi bilan jinoyat ishi qo‘zg‘atilib, u gumon qilinuvchi tariqasida jalb qilingan.
Hozirda tergov davom etmoqda, deyiladi xabarda.
