13:43 / 24.04.2021
539
Танзила Нoрбоева: «Ўтган йили 301 млрд сўмдан ортиқ бюджет маблағлари талон-тoрож қилинган»
Фото: Олий Мажлиси Сенати Ахборот хизмати

23-24 апрель кунлари Олий Мажлис Сенатининг ўн тўртинчи ялпи мажлиси бўлиб ўтди.

Сенат раиси Танзила Норбоеванинг айтишича, 2020 йилда 2,5 мингдан зиёд бюджет муассасасида 301 млрд сўмдан ортиқ бюджет маблағлари талон-торож қилинган. Қурилиш соҳасида 124 та, соғлиқни сақлаш соҳасида 41 та ва таълим соҳасида 81 та коррупциявий омиллар аниқланди. Карантин муассасаларини қуришда 367 млрд сўмдан зиёд молиявий хато ва камчиликларга йўл қўйилган.

Қурилиш, тиббиёт, мактабгача таълим соҳаларида коррупция ҳолатлари кўпайгани таъкидланди.

Маълумотга кўра, халқ таълими тизимида 192 млрд сўмдан зиёд молиявий хато ва камчиликлар аниқланган. Соҳта ҳужжатлар асосида 40 млрд сўмдан ортиқ маблағ, жумладан Деҳқонобод, Чироқчи, Қамаши ва Яккабоғ туманлари халқ таълими бўлимларида 8,7 млрд сўмлик иш ҳақи ноқонуний ўзлаштирилган.

Top