Жабрланувчининг адвокати судни нохолисликда айблади, деб ҳисоблаб Хурсаной Кучаевани жазолашни кўриб чиқиш учун Судялар олий кенгашига ҳужжат йўллаш лозимлигини билдирди.
Ишда иштирок этувчи прокурор Отабек Сатторийнинг адвокатига суд, тергов ва прокуратурадан асоссиз норози бўлаётганини билдирди. Прокурор суд шаффоф ўтказилаётгани, журналист ва блогерларнинг судда иштирок этишига имконият яратилганини, Отабек Сатторийни айбсизлигини исботловчи далиллари бўлса судга тақдим этишини айтиб адвокатларнинг сўзлари нотўғри талқин этилиши мумкинлигини билдирди.
Суд Отабек Сатторийнинг адвокатни илтимосномасини маслаҳат уйида кўриб чиқиб, рад қилиш бўйича ажрим чиқарди.
Суд жараёнида ёзма далиллар намойиш этилди. Ёзма далиллар муҳокама қилинди. Прокурор ёзма далилларни жиноят ишига қўшиш лозимлигини билдирди.
Сатторийнинг адвокати ушбу далилларнинг бирортаси айбловга алоқаси йўқлиги учун айбловга қўшмасликни сўради. Жабрланувчининг адвокатлари далилларни айблов хулосасига қўшишни сўради. Суд ёзма далилларни жиноят ишига қўшиб баҳоланиши бўйича ажрим чиқарди.
Суд раиси суд терговини тамомлаш бўйича тарафлардан иш бўйича қўшимча фикр сўради.
Суд 4 май кунига қадар танаффус эълон қилди.
