Yevropa futboli. Ikki chempionatda chempionlar bugun aniq bo‘lishi mumkin, Ispaniyada intriga saqlanib qolmoqda

Ispaniya: Zidan Simeoneni oldinga qo‘yib yubormayapti

«Elche» — «Atletiko» — 0:1 (Lorente, 23)

Payshanba kuni «Barselona» «Granada»ga sensatsion ravishda mag‘lub bo‘lgani (1:2) va buning natijasida kataloniyaliklar turnir jadvalida yaqqol peshqadamga aylanib olish imkoniyatini boy bergani jamoaning raqobatchilariga ilhom berdi. Nihoyatda asabiy kechgan o‘yin yakunida «Atletiko» baribir uch ochkoga ega bo‘ldi, bu o‘yinda jarohatdan keyin formasini endi tiklayotgan Luis Suaresning hech omadi kelmadi. Urugvaylik hujumchi birinchi bo‘limda het-trik muallifi bo‘lishi ham mumkin edi, ammo u darvozabon bilan yakkama-yakka chiqib borib, yaqin masofadan turib to‘pni darvozaga joylay olmadi, keyin VAR orqali ofsayd qayd etilib, uning goli bekor qilindi va yana bir vaziyatda arbitr videotakrorni ko‘rgach, «Elche» darvozasiga belgilangan penaltini bekor qildi.

Lekin bu orada Lorente rikoshet orqali gol urib, «matraschilar»ning bu mavsumdagi eng samarali futbolchisiga aylandi - 12 gol va 10 golli uzatma. Bunday o‘sish ushbu yarimhimoyachi pozitsiyasini o‘zgartirgani bilan izohlanadi, shanba oqshomida La Ligada 360-o‘yinini o‘tkazib, argentinalik murabbiylar uchun rekord qayd etgan Diyego Simeone uni ajoyib topilmaga aylantirdi. Madridliklar darvozaboni Oblakning xizmatlarini ham e'tirof etish kerak, u Ispaniya birinchiligida o‘tkazgan o‘yinlari sonini 225taga yetkazdi. «Atletiko» legionerlari orasida bu uchinchi ko‘rsatkich - faqat Godin (277) va Filipe Luis (240) oldinda.

Bundan tashqari, sloveniyalik darvozabon — penaltichilar uchun qo‘rqinchli tush bo‘lishda davom etmoqda. Bu mavsumda uning darvozasiga to‘rt bor penalti qo‘yilib, unga faqat «Eybar» darvozaboni Dmitrovich gol ura olgan, «Elche»ga qarshi o‘yinga qo‘shib berilgan daqiqalarda esa Oblakning bu boradagi reputatsiyasi Fidelni hayajonlantirdi. Shu vaqtgacha o‘yin qahramoni bo‘lib turgan Lorentening qo‘liga to‘p tekkach, «nuqta»ga yaqinlashgan Chaves Fidel ustunni nishonga oldi - to‘p slovakiyalik darvozabonning barmoqlariga tegib yo‘nalishini o‘zgartirgandi. Darvozabon madridliklar uchun muhim g‘alabani saqlab qoldi.

«Real» — «Osasuna» — 2:0 (Eder Militao, 76. Kazemiro, 79)

«Stemford Brij»ga safar oldidan Zinedin Zidan Kroos va Modrichni zaxirada qoldirdi. Ular yo‘qligida maydonda Azar ilk daqiqalardanoq yorqin o‘yin ko‘rsatdi. U o‘zi ham gol urishga yaqin keldi, sheriklarini ham bir necha bor qulay vaziyatlarga chiqardi. Ammo birinchi bo‘limda berilgan 13 zarba (bu madridliklar uchun bu mavsumdagi rekord ko‘rsatkich) mezbonlarga natija keltirmadi.

O‘yinning yakuniy qismi boshlanganida, «Real» chempionlik poygasidan chiqib ketishi oydinlashib qolganida, madridliklarni kutilmagan qahramon qutqarib qoldi. La Ligadagi birinchi goligacha ham Eder Militao «Osasuna» darvozasi qamalidagi faol futbolchilardan biri bo‘lib turgandi. U burchakdan uzatilgan to‘pni boshi bilan darvozaga yo‘llab hisobni ochdi. Bir necha daqiqa o‘tib uyushtirilgan hujumda Benzema to‘pni oldinga tashlab berganidan keyin to‘p Kazemironing oyog‘iga teggach, o‘yin taqdiri hal bo‘ldi - braziliyalik yarimhimoyachi bu vaziyatda to‘pga zarba bermagan, faqat uni o‘ziga o‘nglab olishga uringandi. Ammo bu harakat raqib darvozabonini chalg‘itdi va to‘p darvoza to‘riga yumalab kirib ketdi. Bu omadli gol Kazemiro uchun mavsumni faoliyatidagi eng samarali mavsumga aylantirdi (6 gol). Qolaversa, bu uning Ispaniya chempionatidagi yubiley — 200-o‘yyini bo‘ldi. Endi, «Barselona» yakshanba kuni «Valensiya»ga qarshi o‘yinda qanday natija qayd etishidan qat'i nazar, «Qirollik klubi» ikkinchi o‘rinni o‘zida saqlab qoladi.

Angliya: Gvardiola davridagi 700-gol, Tuxel Lemparddan o‘zib ketishga ulgurdi

«Kristal Pelas» — «Manchester Siti» — 0:2 (Aguero, 57. Ferran Torres, 59)

Xosep Gvardiolaning jamoasi Chempionlar ligasida ilk bor finalga chiqqach, endi ichki chempionatda ham barchasini hal qilib qo‘yishga yaqin keldi. «Shaharliklar» odatdagi kabi to‘pga egalik qilishda ustunlik qilishdi, ammo barchasi avtomatik amalga oshdi. Ikkinchi bo‘lim boshida esa Aguero raqib darvozasini kuchli zarbasi bilan o‘qqa tutdi, bu argentinalik futbolchi uchun Yevropa ligalarida urilgan 255-golga aylandi. Bu tarixdagi 15-natija, endi Kun barcha davrlar bo‘yicha reytingda Yevropa-1984 chempioni Bernar Lyakombo va Angliya terma jamoasining o‘tgan asrning 50-yillaridagi to‘purari Net Lofthaus bilan bir o‘rinda joylashdi.

«Siti» yakshanba kuniyoq chempion bo‘lishi mumkin, agar «MYu» turning asosiy bahsida «Liverpul»ga mag‘lub bo‘lsa. Ammo shunda ham «shaharliklar» uchun APLda yana bir intriga qoladi. Shanba kuni ular qatorasiga 11-safar o‘yinida g‘olib bo‘lishdi va jamoa 2017 yilgi o‘z rekordi va «Chelsi»ning 2008 yilgi rekordini takrorladi. Tarixdagi mutlaq eng yaxshi seriya muallifi bo‘lish uchun jamoa 14 may kuni Nyukasldagi o‘yinda ham uch ochko olishi kerak bo‘ladi. Hozircha esa «Siti» Gvardiola davridagi gollari sonini 700taga yetkazib qo‘ydi. Bu gollar uchun 288 o‘yin o‘tkazish yetarli bo‘lgan!

«Chelsi» — «Fulhem» — 2:0 (Havers, 10, 49)

Ko‘klar «Real»ga qarshi javob o‘yinidan oldin asosiy tarkibning yarmiga dam berib ham Chempionlar ligasi yo‘llanmasidagi muhim o‘yinda g‘alaba qozondi. Shu bilan birga, autsayderga qarshi o‘yinda darvozani «quruq» saqlashi uchun Mendi bir necha seyv amalga oshirishiga to‘g‘ri keldi. Qolaversa, Mauntning yuqori saviyali o‘yini va Haversning aniq o‘ynashi g‘alabani ta'minladi. Jamoaning hozirgi natijasi — Tomas Tuxelning xizmatlari. Germaniyalik mutaxassis kelganidan buyon «Chelsi» chempionatdagi 15 o‘yinda 32 ochko jamg‘ardi. Bu esa 19-turdan keyin ishdan bo‘shatilgan Frenk Lempardning natijasidan yaxshiroq.

Italiya: «Inter»ning chempionligini faqat «Atalanta» kechiktirishi mumkin

«Krotone» — «Inter» — 0:2 (Eriksen, 69. Hakimi, 90+2)

So‘nggi yetti turda Italiya chempionati yetakchisi futbolchilari o‘n marta darvoza ustuni yoki to‘sinini nishonga olgan. Milanliklarning ungacha bo‘lgan davrda bu borada qayd etgan ko‘rsatkichi 10taga teng bo‘lgandi. «Krotone»ga qarshi o‘yinning birinchi bo‘limida ham to‘p ikki marta ustunga tegdi, nolli durang saqlab qolinsa, mezbonlar ligada qolish uchun imkoniyat saqlab qolgan bo‘lardi. Ammo ikkinchi bo‘limda Antonio Konte tushirgan futbolchilar oradagi saviyani ko‘rsatib qo‘yishdi va bu jamoa quyi divizion uchun yo‘llanmani rasmiylashtirdi.

O‘yinni zaxira o‘rindig‘ida boshlagan Eriksenning uzoqdan bergan zarbasi hal qiluvchi bo‘ldi, birinchi bo‘limda gol ura olmagan Lukaku esa unga assistentlik qildi. Endi belgiyalik futbolchida 21 goldan tashqari 10ta golli uzatma ham bor. O‘tgan mavsumdagi natijasini takrorlab, ochkolari sonini 82taga yetkazgan «Inter»ga endi «Yuventus» yetib ololmaydi, «Keksa sinora»ning 9 yillik gegemonlik davriga rasman barham berildi. Matematik jihatdan faqat «Atalanta»da Konte jamoasiga yetib olish imkoni bor, ammo bu jamoa yakshanba kuni «Sassuolo»ni yenga olmasa, milanliklar klubi «divanda o‘tirib» chempionga aylanishi mumkin. Boshqa tomondan «Inter» futbolchilari so‘nggi o‘yindagi g‘alabadan keyinoq o‘zlarini chempion deb hisoblay boshlashdi. Agar bugun «Atalanta» o‘z o‘yinida g‘alaba qozonsa ham, «Inter» so‘nggi to‘rt turda bir ochko jamg‘arishi chempionlik uchun kifoya bo‘ladi.

«Inter» yeshchyo ne stal chempionom, no ujye vo vsyu gulyayet 😃

Yesli segodnya «Atalanta» ne vozmyot 3 ochka, «interisty» ofitsialno primeryat na sebya zvaniye pobeditelya Serii A pic.twitter.com/fESTwOS28L

— Chempionat (@championat) May 2, 2021

«Milan» — «Benevento» — 2:0 (Hoqon Cholxono‘g‘li, 6. Ernandez, 60)

Milanning ikkinchi jamoasi esa allaqachon chempionlik poygasini tark etgan, so‘nggi o‘yinlardagi ikki mag‘lubiyat esa jamoani YeChLga yo‘llanma beradigan kvartetdan ham chiqarib yuborgandi. Ammo xavfli hududda turgan «Benevento» ustidan qozonilgan g‘alaba jamoaga yana to‘rtlikka qaytish imkonini berdi. Bu o‘yinda Cholxono‘g‘li tezkor gol urib, kuchli beshlik chempionatlaridagi gollari sonini 50taga yetkazib oldi. O‘yin davomida raqiblar bir necha bor «Milan» darvozasiga xavf solishdi, ikkinchi bo‘lim boshida Ernandez Ibrahimovichning zarbasini darvozaga to‘g‘rilab qo‘ygach esa o‘yin taqdiri hal bo‘ldi. Qizil-qoralar 2013 yildan keyingi eng ko‘p ochkosini jamg‘arib turishibdi - 69 ochko va beshinchi o‘rindan ikkinchi o‘ringa yuqorilash. Stefano Pioli «Atalanta», «Yuventus» va «Napoli» bunga qanday reaksiya berishini kutadi.

Fransiya: Parij to‘rt soat yetakchilik qildi

«PSJ» — «Lans» — 2:1 (Neymar, 33. Markinyus, 59 — Ganago, 61)

«Lill» — «Nitssa» — 2:0 (Burak Yylmaz, 13. Zeki Chelik, 56)

«Monako»ning chempionlik tituli uchun raqiblari monegaskliklarga oradagi farqni oshirishga yo‘l berishmayapti. Mbappesiz o‘ynagan «PSJ» «Lans»ga qarshi o‘yinda jiddiy qarshilikka duch keldi (mavsum debyutanti bo‘lgan jamoa hozirda beshinchi o‘rinda bormoqda). Ammo mehmonlarning ilk xatosiyoq Neymarning goli bilan yakunlandi. U o‘yin yakunida 2020 yil yakunlari bo‘yicha Yevropadagi eng yaxshi braziliyalik futbolchilar uchun atalgan «Oltin samba» sovrinini qabul qilib oldi.

U burchak zarbasidan uzatma berib, Markinosga ikkinchi golni urishda yordam berdi. Neymar «PSJ» safidagi barcha turnirlar doirasidagi o‘yinlarda urilgan gollarning 130tasida ishtirok etgan. Uning o‘zi parijliklarning jami 111 o‘yinida 85 gol urgan va 45 golga assistentlik qilgan. Braziliyalik — Liga 1ning eng samarali futbolchisi, Fransiya chempionlari Maurisio Pokettino kelganidan buyon ilk marta qatorasiga to‘rt o‘yinda g‘alaba qilib, birinchi o‘ringa chiqishdi.

Ammo bu yetakchilik to‘rt soat davom etdi, kun oxirida «Lill» Burak Yilmazning sa'y-harakatlari evaziga «Nitssa»ni mag‘lab etdi. O‘tgan turda 35 yoshli turk Liondagi o‘yinni o‘zgartirgandi. Bu o‘yinda esa u hisobni ochdi, uning terma jamoa bo‘yicha ham safdoshi bo‘lgan Zeki Chelik ikkinchi bo‘lim boshida intrigani o‘ldirdi. «Nitssa» bu vaqtga kelib kamchilik bo‘lib qolgandi va hisob yiriklashib ketmasligi uchun o‘ynadi.

Germaniya: Holandsiz ham yirik hisob

«Borussiya» D — «Xolshtayn Kil» — 5:0 (Reyna, 16, 22. Roys, 26. T.Azar, 32. Bellingem, 42)

Germaniya Kubogida «Leypsig» ortidan Dortmundning «Borussiya» klubi ikkinchi finalchiga aylandi. Bir haftadan keyin bu jamoalar bundesligada repititsiya qilishadi, bu o‘yin Dortmund uchun Chempionlar ligasi yo‘llanmasi uchun muhim jangga aylanadi. Shanba kuni ham «asalarilar» yuqori divizionga chiqish uchun harakat qilayotgan jamoani yanchib tashladi, bu jamoa kubok «Bavariya»ni yengib, sensatsiya qilgandi.

Shanba kuni esa «Xolshtayn Kil» jarohat tufayli o‘yinda Holand ishtirok eta olmagan bo‘lsa-da, raqibdan beshta gol o‘tkazdi. Dortmundliklarning dastlabki to‘rt goli besh zarbadan keyin urildi va 32-daqiqaga kelib hisob 4:0 ko‘rinishiga keldi. Bo‘lim oxirida Bellingem o‘yinga yakuniy nuqtani qo‘ydi - nemislar klubi Germaniya Kubogi yarim finalida shu vaqtgacha beshta gol urishmagandi.

Kun statistikasi

• Turkiya chempionati tarixida birinchi bo‘limda ilk bor 5 gol urgan jamoa «Beshiktosh» bo‘ldi.
• «Verona» futbolchilari bu mavsumda 19 bor raqib darvozalari to‘sinlari yoki ustunlarini nishonga olgan. Bu 2005 yildan buyon A Seriya jamoalari uchun eng omadsiz natija.
• «Atletiko» yarim himoyachisi Koke La Ligadagi o‘yinlari sonini 350taga yetkazdi. Klub tarixida undan ko‘proq o‘yin o‘tkazgan futbolchilar Abelardo (410) va Renones (367) bo‘lib turibdi.