15:10 / 23.05.2021
3346

Vetnamda parlament saylovlari bo‘lib o‘tmoqda

Foto: Wikiredia.ru

23 may kuni Vetnamda bir palatali parlamentga saylovlar bo‘lib o‘tmoqda. Vetnam konstitutsiyasiga ko‘ra, parlament - Milliy yig‘in mamlakatdagi oliy hokimiyat organi hisoblanadi.

18 yoshdan katta bo‘lgan 69 mlndan ko‘proq vetnamlik saylovlarda qatnashish huquqiga ega. Bu maqsadda 84 mingdan ko‘proq saylov uchastkasi soat 7dan o‘z ishini boshlagan.

2021 yildan 2026 yilgacha amal qiluvchi 15-chaqiriqdagi parlamentdagi 500 o‘ringa 866 nomzod da'vogarlik qilmoqda. Saylovlar natijalari 12 iyunda e'lon qilinadi.

Vetnam parlamenti yiliga 4 marta Xanoyda o‘z sessiyalarini o‘tkazib, ularda mamlakatdagi dolzarb iqtisodiy-ijtimoiy va siyosiy masalalar hal qilinadi, oliy davlat lavozimlariga tayinlovlar ma'qullanadi.

Yangi parlament o‘z ishini iyulda parlament raisi va uning o‘rinbosarlarini saylashdan boshlaydi. So‘ngra prezident, vitse-prezident, bosh vazir, oliy xalq sudi va oliy xalq prokuraturasi rahbarlari uchun ovoz beriladi.

Top