Jyek Ma hukumatning bosimi sababli o‘zi asos solgan universitet rahbarligidan ketadi

Xitoylik milliarder va Alibaba asoschisi Jyek Ma o‘zi asos solgan nufuzli biznes-akademiya - Xupan universiteti rahbarligidan ketadi. Financial Times nashrining yozishicha, bunga Xitoy hukumatining tadbirkorga nisbatan bosimi sabab bo‘ldi.

Nashrning yozishicha, akademiya o‘z nomini ham o‘zgartirgan va ta'lim dasturini ham o‘zgartiradi. Gazeta manbasining so‘zlariga ko‘ra, Ma endilikda bu yerda rahbarlik lavozimlarini egallay olmaydi. Avvalroq biznes-akademiya talabalar qabul qilishni to‘xtatgandi.

Ma Hupan University biznes-akademiyasini 2015 yilda, Harvard universiteti biznes-maktabidan namuna olib tashkil qilgandi. Bu yerda o‘qish dasturi uch yilga mo‘ljallangan. Didi taksi agregatori prezidenti Jan Lyu va Waterdrop onlayn sug‘urta platformasi asoschisi Shen Pen mazkur universitet bitiruvchilari hisoblanadi.

Jyek Ma va Xitoy hukumati o‘rtasidagi kelishmovchilik 2020 yil oktyabrda, u Xitoy davlat banklarini tanqid qilganidan so‘ng boshlangandi.