Toshkentda “Zakovat-Gambit” chempionati o‘tkaziladi. Mukofot fondi – 610 mln so‘m

10–15 avgust kunlari bo‘lib o‘tadigan chempionatning mukofot fondi 610 million so‘mni tashkil etadi.

“Zakovat-Gambit” turniri mehmonlari orasida shaxmat bo‘yicha jahon chempionlari Vishvanatan Anand, Rustam Qosimjonov, shaxmat qirolichasi Yudit Polgar, 2016 yilda o‘yin seansidagi partiyalar soni bo‘yicha shaxmat jahon rekordini o‘rnatgan (48 o‘yin) Timur Gareyev ham bor.

Shuningdek, 2018 yilda 20 yoshgacha bo‘lgan qizlar o‘rtasida o‘tkazilgan shaxmat bo‘yicha jahon chempionati ikkinchi o‘rin sovrindori hamda 2019 yilda jahonning eng yaxshi 30 shaxmatchisi qatoridan joy olgan Gulruxbegim Tohirjonova ham qatnashadi.

Vengriyalik grossmeyster Yudit Polgar musobaqa oldidan o‘zbekistonlik shaxmatchilarga murojaat qildi.

{Yii::t(}

O'tkazib yuborish 6s

O'tkazib yuborish

“Toshkentda ajoyib shaxmat turniri – “Zakovat-Gambit” bo‘lib o‘tadi. Ro‘yxatdan o‘tib, ishtirok etishni unutmang. Balki raqib bo‘lib o‘ynash nasib qilar. Musobaqada ko‘rishguncha!” – deydi vengriyalik shaxmatchi.

Chempionatning faxriy mehmonlari ishtirokchilar bilan shaxmat o‘ynashadi va master-klasslar o‘tkazadi.

“Zakovat-Gambit”da yoshi va shaxmatdagi darajasidan qat'i nazar, faqat O‘zbekiston fuqarolari qatnasha oladi. Ishtirok etish uchun arizalar gambit.zakovat.tv sayti orqali, 7 avgust soat 10:00ga qadar qabul qilinadi.

O‘yin shartlari batafsil gambit.zakovat.tv saytida keltirib o‘tilgan.