08:48 / 01.09.2021
6976
Гризманн «Атлетико»га қайтди, де Йонг «Барса»га ўтди

«Барселона» ҳужумчиси Антуан Гризманн собиқ жамоасига қайтди. 

«Атлетико» 30 ёшли французни 10 млн евро эвазига бир мавсумга ижарага олди. Мадрид клубида ижарани яна бир йилга узайтириш ёки футболчини 40 млн еврога сотиб олиш ҳуқуқи ҳам бор.

Гризманн 2014-2019 йиллар оралиғида «Атлетико»да ўйнаб, барча турнирлар доирасида 257та баҳсда 133та гол урган. 2019 йил ёзида эса 120 млн евро эвазига «Барселона»га ўтганди. 

Ҳужумчи ўтган мавсумда каталонияликлар сафида Ла Лигада 36та ўйин ўтказиб, 13та гол урди ва 7та голга ассистентлик қилди.

Шунингдек, «Барса» «Севилья» ҳужумчиси Люк де Йонгни бир мавсумга ижарага олди. «Кўк-анорранглилар»да нидерландиялик 31 ёшли форвардни сотиб олиш ҳуқуқи ҳам бор. 

Де Йонг бу мавсумда Ла Лигада бирорта ўйин ўтказмади, ўтган мавсумда эса 34та баҳсда 4та гол урган.

Top