Ulkan g‘alabalarga erishganlar bilan uchrashuvlar – Pepsi sizni ruhlantirishda davom etadi

O‘zbekistonda sportning turli xil yo‘nalishlariga qiziqib, musobaqalarda qatnashayotgan yoshlar safi ko‘payib boryapti. Professional sport bilan shug‘ullanishni qat'iy niyat qilgan yoshlarning soni oshayotgani ham quvonarli.

Prezident Shavkat Mirziyoyev aholi, ayniqsa, yoshlarni jismoniy tarbiya va sportga jalb etish, keng jamoatchilik orasida sog‘lom turmush tarzini ommalashtirish bo‘yicha aniq vazifalarni belgilab bergan. Ushbu vazifalarni bajarishga qaratilgan dasturlarni amalga oshirishda PepsiCo kompaniyasining O‘zbekistondagi rasmiy bottleri – International Beverages Tashkent ham o‘z hissasini qo‘shishga harakat qilib, mamlakatda turli sport yo‘nalishlari: professional futbol,  xokkey, boks, og‘ir atletika va boshqa sport tadbirlarini tashkillashtirish va o‘tkazishda faol ishtirok etmoqda.

MOQ va International Beverages Tashkent kompaniyasi o‘rtasidagi shu yilning may oyida imzolangan Hamkorlik memorandumi doirasida respublikada ommaviy sportni faol qo‘llab-quvvatlash, iqtidorli va qobiliyatli yoshlarni sportga jalb qilish bo‘yicha ishlar tashkil etildi. Bu borada O‘zbekistonning eng yorqin va iqtidorli sportchilari bilan ham hamkorlik qilinyapti.

Xususan, Olimpiya o‘yinlarida taekvondo bo‘yicha O‘zbekiston uchun birinchi oltin medalni qo‘lga kiritgan Ulug‘bek Rashitov bilan mamlakatning 5 viloyatiga turne tashkillashtirilishi rejalashtirilgan.

Turne doirasida Olimpiya chempioni taekvondo bo‘yicha sport maktablariga tashrif buyuradi, mazkur maktablarda bolalar chempion bilan shaxsan muloqot qilish, o‘zlarini qiziqtirgan savollarni berish va sportchi hayoti bilan yaqindan tanishish imkoniga ega bo‘lishadi. Ulug‘bek Rashitov har bir maktabda sportchi bolalarga txekvondo mashg‘ulotlari uchun forma – doboklarni va boshqa sovg‘alarini topshiradi.

Ulug‘bek Rashitov bolaligidan sportga qiziqqan. Bunda, ayniqsa, Bryus Li va Van Damm ishtirokidagi filmlarning ahamiyati katta. Bo‘lajak chempion ularning usullarini takrorlashga harakat qilar va otasi o‘g‘lining intilishini ko‘rib, uni sport to‘garagiga berishga qaror qilgan edi.

Yosh Ulug‘bek murabbiy Pavel Xan qo‘lida tahsil oladi va ustozi uni Olimpiya chempioniga aylantirdi.

“Taekvondodan voz kechib, futbolga borishni istagan paytlarim bo‘lgan, chunki boshlang‘ich pallada taekvondoda sezilarli yutuqlarga erisholmaganman. Lekin murabbiy meni har bir mag‘lubiyatim saboq ekanini aytib, qo‘yib yubormadi, qo‘llab-quvvatladi, rag‘batlantirdi, shuning uchun men shu yo‘nalishda qolishga qaror qildim va bundan afsuslanmadim”, - deydi Ulug‘bek Rashitov.

2017 yilda sportchi ilk bor yirik musobaqalardan birida – Atirau shahri (Qozog‘iston)da o‘smirlar o‘rtasidagi Osiyo chempionatining sovrindori bo‘ldi va ikkinchi o‘rinni egalladi.

“2018 yilda O‘smirlar o‘rtasidagi Olimpiya o‘yinlariga yo‘llanma olish maqsadida saralash turniriga tayyorgarlik ko‘ra boshladik. Bu musobaqalarda men birinchi o‘rinni qo‘lga kiritdim va O‘smirlar o‘rtasidagi Olimpiya o‘yinlarida kumush medal sohibi bo‘ldim. Uch kundan so‘ng o‘smirlar o‘rtasidagi jahon chempionati boshlandi va unda 3-o‘rinni egalladim. 2019 yilda esa o‘smirlar o‘rtasidagi so‘nggi musobaqalarda men Osiyo chempioni va 2019 yilning eng yaxshi sportchisi bo‘ldim”, - deya eslaydi Ulug‘bek.

2020 yilgi Olimpiada o‘yinlari sportchining bir umr yodida qoldi. Va nafaqat sehrli g‘alaba tufayli, balki Olimpiya o‘yinlari tarixida ilk bor taekvondo bo‘yicha besh jangda qatnashishi kerak edi. Ulug‘bek Rashitov “Tokio – 2020”ning har bir jangida sharaf bilan kurash olib bordi va munosib “oltin”ini qo‘lga kiritdi.

International Beverages Tashkent Ulug‘bek Rashitov kabi sportchilarning hayoti, ular beradigan tavsiyalari yosh sportchilarga motivatsiya bo‘lishiga, ularning maqsadlariga erishishiga turtki bo‘lishiga ishonadi va bunday turnelarni tashkillashtirishda faol bo‘lishda davom etadi.

International Beverages Tashkent QK MChJ,
PepsiCo kompaniyasining O‘zbekistondagi rasmiy bottleri.

Reklama huquqi asosida