Aliyev Ozarboyjon Armaniston bilan muzokaralar boshlashga tayyorligini aytdi
Aliyevning so‘zlariga ko‘ra, hozirda asosiy masala mintaqada tinchlikni ta'minlash bo‘lib turibdi.
Ozarboyjon prezidenti Ilhom Aliyev Yevroittifoq vositachiligida Armaniston bilan muzokaralar boshlashga tayyorligini aytdi. Bu haqda Haqqin.az xabar berdi.
Aliyevning so‘zlariga ko‘ra, hozirda asosiy masala mintaqada tinchlikni ta'minlash bo‘lib turibdi.
«Biz Armaniston, qo‘shnimiz bilan munosabatlar o‘rnatishni istaymiz. Biz Armaniston bilan tinchlik kelishuvini imzolash, chegaralarni delimitatsiyadan o‘tkazish bo‘yicha muzokaralar boshlashga tayyormiz. Bu jarayon qisman boshlandi», — dedi u.
Uning qayd etishicha, ushbu jarayonda YeI faol ishtirok etishi mumkin.
«Men ana shunday xohishni ko‘ryapman, bu bizga ko‘p sohalarda yordam berishi mumkin», — dedi Aliyev.
Sentyabr oxirlarida Aliyev Armaniston bosh vaziri Nikol Pashinyan bilan uchrashuv o‘tkazish imkoniyati haqida gapirgandi.
«Agar Minsk guruhi (YeXHT) bunday uchrashuvni taklif etsa, biz qarshi bo‘lmaymiz», — degandi u.
Armaniston va Ozarboyjon o‘rtasidagi munosabatlar o‘tgan yili Tog‘li Qorabog‘ Ozarboyjon nazoratiga o‘tganidan so‘ng yomonlashgandi.
Mavzuga oid
10:10 / 09.10.2024
RF chegarachilari Armaniston va Eron chegarasini qo‘riqlashni to‘xtatadi
12:51 / 03.10.2024
O‘zbekiston va Ozarboyjon o‘rtasidagi tovar aylanmasi sezilarli tarzda o‘smoqda
20:10 / 02.10.2024
O‘zbekistonlik xokkeychilar ilk marotaba jahon chempionatida ishtirok etadi
23:53 / 30.09.2024