Qoʻshimcha funksionallar
-
Tungi ko‘rinish
Jyek Ma Xitoyning eng badavlat odamlari reytingida beshinchi o‘ringa tushib ketdi
Maning boyligi bahorda e'lon qilingan reytingdagiga nisbatan 6,9 mlrd dollarga kamaygan. O‘shanda u to‘rtinchi o‘rindan joy olgandi.
Xitoydagi eng yirik kompaniyalardan biri bo‘lgan Alibaba asoschisi, milliarder Jyek Ma mamlakatning eng boy odamlari reytingida beshinchi o‘ringa tushib qoldi.
Forbes USA Maning boyligini 41,5 mlrd dollar deb baholadi. Bu o‘tgan yilning noyabridagiga nisbatan 24,1 mlrd dollarga kam.
Endilikda Jyek Ma ro‘yxatda beshinchi o‘rinda turibdi. Biznesmenning boyligi Xitoy hukumati o‘tgan yili Ant Group kompaniyasining IPO’sini bekor qilib, Alibaba kompaniyasiga 2,8 mlrd dollar jarima solganidan so‘ng kompaniya chorakni zarar bilan yakunlashi sababli kamaydi.
Maning boyligi bahorda e'lon qilingan reytingdagiga nisbatan 6,9 mlrd dollarga kamaygan. O‘shanda u to‘rtinchi o‘rindan joy olgandi.
Xitoyning eng badavlat odamlari reytingida qadoqlangan suv ishlab chiqaruvchi Nongfu Spring kompaniyasi egasi Chjun Shanshan birinchi o‘rinda turibdi. Uning boyligi 65,9 mlrd dollar deb baholanmoqda.
Mavzuga oid
19:37 / 12.03.2023
«Milliarderlar ovi». Nega Xitoyda yirik ishbilarmonlar g‘oyib bo‘lmoqda?
14:37 / 24.05.2021
Jyek Ma hukumatning bosimi sababli o‘zi asos solgan universitet rahbarligidan ketadi
11:29 / 24.04.2021
Xitoy Jyek Ma biznesining bir qismi ustidan nazoratni qo‘lga kiritmoqchi
16:06 / 19.04.2021