10:01 / 10.11.2021
11670
NASA Ойга парвоз санасини ўзгартирди

АҚШ Аэронавтика ва фазони тадқиқ қилиш бўйича миллий бошқармаси Ойга парвоз ва қўниш санасини 2025 йилга кўчирди.

Фото: Getty Images

NASA маъмури Билл Нельсон буни Жефф Безос томонидан Blue Origin даъвоси туфайли Илон Маскнинг SpaceХ компанияси билан Ойга қўниш модулини ишлаб чиқиш бўйича шартномага вақт йўқотилгани билан боғлади, дея ёзмоқда CNBC.

Бундан ташқари, парвоз муддати ўзгартирилишига техник мураккабликлар ҳам таъсир ўтказди. 2017 йилда собиқ президент Дональд Трамп администрацияси 2024 йилни астронавтларнинг Ойга қўниши санаси деб белгилаган эди. Бунгача мазкур жараён 2028 йилга режалаштирилаётганди.

Blue Origin компанияси NASA’нинг Ойга янги миссияси учун қўниш модулини лойиҳалаш бўйича SpaceX’нинг танланишига қарши чиқишга ҳаракат қилди. Жефф Безос компанияси ҳам Dynetics мудофаа пудратчиси сифатида  бу вазифани бажаришга даъвогар эди.

Ҳар икки компания бу қарор бўйича АҚШ Ҳисоб палатасида эътироз билдирган. Бироқ палата шикоятларни рад этган. Шундан кейин Blue Origin судга мурожаат қилганди.

 

Top