Nurafshonda Prezident maktabi ochildi

Tadbirda Toshkent viloyati hokimi Davron Hidoyatov barcha zamonaviy sharoitlarga ega prezident maktabi hududdagi iqtidorli o‘g‘il-qizlar uchun keng imkoniyatlar yaratishini ta'kidladi.

Toshkent viloyatida joriy yil ijtimoiy sohada bir qator obektlar qurilib, mukammal ta'mirlandi. Zamonaviy maktablar, bog‘chalar, mahalla fuqarolar yig‘inlari idoralari, poliklinikalar shular jumlasidandir. Mazkur ta'lim muassasasi uchun 80 mlrd so‘m mablag‘ ajratildi.

Prezident maktabida ta'lim jarayoni tabiiy fanlar, texnologiyalar, texnik ijodkorlik, can'at, matematika sohalarini chuqur ixtisoslashgan holda o‘qitishga asoslangan. Mashg‘ulotlar xalqaro “STEAM — ta'lim” dasturi asosida olib boriladi.

Darslarda tajribali 2 nafar xorijlik mutaxassis va 20 nafar mahalliy pedagog saboq beradi. Keyinchalik xorijdan yana 10 nafar pedagog-o‘qituvchi jalb etilishi rejalashtirilgan.