NASA Oyda AES qurish bo‘yicha loyihalar qabul qilinishini e'lon qildi

NASA va Aydaho milliy laboratoriyasi Oyda atom elektr stansiyasi qurilishi bo‘yicha g‘oyalarni yig‘ishini e'lon qildi. Bu haqda Associated Press xabar bermoqda.

Xabarga ko‘ra, loyihalar NASA’ga 2022 yil 19 fevralgacha yuborilishi lozim.

«Oy yuzasida ishonchli va kuchli energiya tizimini yaratish koinotning inson tomonidan o‘zlashtirilishida muhim qadam bo‘ladi va buni amalga oshira olamiz», — deyiladi Aydaho milliy laboratoriyasi loyiha rahbari Sebastyan Korbizeroning bayonotida.

Qayd etilishicha, yadroviy reaktor Oydagi muhit sharoitidan qat'i nazar ishonchli va kuchli energiya tizimi bilan ta'minlash imkonini beradi.

Reaktor Yerda quriladi va Oyga jo‘natiladi.

Rejaga ko‘ra, reaktor inson ishtirokisiz yonib-o‘chishi, qo‘nish moduli bortida ishlay olishi va tashish uchun qulay bo‘lishi lozim.