Magdalena Andersson besh kun ichida ikkinchi marta Shvetsiya bosh vaziri etib saylandi
Andersson 24 noyabr kuni Shvetsiya tarixidagi ilk ayol bosh vazir bo‘lgan, biroq lavozimga tayinlanganidan bir necha soat o‘tgach, iste'foga chiqqandi.
Shvetsiya Sotsial-demokratik ishchi partiyasi rahbari Magdalena Andersson parlament tomonidan qirollik bosh vaziri etib tasdiqlandi. U bir haftadan kamroq vaqt ichida ikkinchi marta ushbu lavozimga saylandi.
“Parlament a'zolarining yarmidan ozrog‘i qarshi ovoz bergani uchun Magdalena Andersson bosh vazir etib saylandi”, — dedi spiker Andreas Norlen.
Andersson 24 noyabr kuni Shvetsiya tarixidagi ilk ayol bosh vazir bo‘lgandi. Biroq u yangi lavozimda uzoq turmadi: tayinlanganidan bir necha soat o‘tgach, iste'foga chiqdi.
Shvetsiya radiosining xabar berishicha, u Yashillar partiyasining hukumatdan chiqish to‘g‘risidagi qarori bilan bog‘liq holda Vazirlar Mahkamasida bo‘linish yuz bergani tufayli yetti soatdan keyin o‘z lavozimini tark etdi.
54 yoshli Andersson 2014 yilda Shvetsiya moliya vaziri bo‘lgandi. Ungacha bu lavozimda ayol kishi faoliyat olib bormagan.
Mavzuga oid
22:05 / 05.10.2024
Shvetsiya o‘z harbiylarini Latviyaga yuboradi
12:50 / 03.10.2024
Daniya va Shvetsiyada Isroil elchixonalari yaqinidagi portlashlar tekshirilmoqda
15:15 / 27.09.2024
Shvetsiyada bobo-buvilarga nabiralariga qaragani uchun nafaqa berilmoqda
23:35 / 23.09.2024