Sanofi: yurak-tomir kasalliklarini davolaydigan innovatsion preparatdan o‘zbekistonlik bemorlar ham foydalanish imkoniyatiga ega bo‘ladilar

• Yurak-tomir kasalliklari – O‘zbekistondagi o‘limlarning eng ko‘p tarqalgan sabablari;
• Bemorlarning faqatgina 38% o‘tkir koronar sindromi (O‘KS) kuzatilgan holatlar uchun tavsiya etilgan davolanishga rioya qiladi;
• O‘KS dan davolanish uchun Sanofi kompaniyasi tomonidan ishlab chiqilgan yangi preparatdan O‘zbekistondagi bemorlar ham foydalanish imkoniyatiga ega bo‘ldilar.

So‘nggi o‘n yilliklarda O‘zbekistonda yurak-tomir patologiyasidan kasallanish va o‘limlar sonining o‘sishi qayd etilgan bo‘lib, yurak-tomir kasalliklari (YuTK) esa mamlakatdagi o‘limlarning eng ko‘p uchraydigan sabablari sifatida e'tirof etilmoqda.

YuTK sababli o‘limlar sonining o‘sishi – umumjahon miqyosidagi dolzarb muammo hisoblanib, turli mamlakatlarda 35% ni tashkil qiladi. Faqatgina o‘tkir koronar sindromi, miokard infarkt va nobarqaror stenokardiya kabi klinik holatlarni birlashtiradigan yurakning ishemik kasallanishi keskinlashgan davrda AQSh va Yevropada har yili taxminan 914 ming kishi olamdan ko‘z yumadi.

Klinik tavsiyalarda belgilanganki, shu kabi keskinlashishni boshidan kechirgan bemorlar O‘KSdan keyin bir yil davomida aterotrombozning oldini oluvchi atsetilsalitsil kislotasi va qo‘shimcha preparatdan iborat ikki martalik antiagregant terapiyasi (IAT) bilan davolanishi lozim. Bunday davolanish ishemik hodisalar takrorlanishi xavfini, gospitalizatsiya va o‘limlar sonini sezilarli darajada kamaytirish imkonini beradi.

Biroq, o‘tkir koronar sindromiga chalingan yurak-tomir xavfining yuqori darajasiga ega bemorlar, xususan, keksalar, shuningdek yurak bo‘lmasi fibrillyatsiyasi yoki qand diabeti bilan og‘rigan bemorlar aksariyat hollarda terapiyaning ikkinchi komponentisiz qoladilar, bu esa kelgusida ularning holatiga salbiy ta'sir o‘tkazadi. Undan tashqari, bemorlarning ko‘pchiligi terapiyaga moyil emas: bemorlarning faqatgina 38 foizi tavsiya etilgan davolanishga rioya qiladi. Bemorlarning aksariyati bilvosita samaralar va 12 oy davomida belgilangan preparatlarni xarid qilish imkoniyati mavjud emasligi tufayli terapiyani to‘xtatadi.

Sanofi kompaniyasi yurak-tomir kasalliklari bilan og‘rigan bemorlar uchun innovatsion dorivor preparatni taqdim etmoqda, ushbu preparat klinik qo‘llash bo‘yicha katta tajribaning mavjudligi bilan bir qatorda bemorlar uchun hamyonbop narxlarda sotiladi.

26 noyabr kuni Toshkentda tibbiyot xodimlari uyushmasi uchun preparatning rasmiy taqdimotiga bag‘ishlangan konferensiya bo‘lib o‘tdi.

Sanofi Foundation, Evraziya biznes bo‘linmasi rahbari Vitaliy Bistryukov: «Biz Sanofi kompaniyasida 50 yildan ortiq davr mobaynida bemorlarimizga yurak-tomir kasalliklariga qarshi eng ilg‘or va innovatsion yechimlarni taklif qilib kelmoqdamiz. Biz nafaqat dorivor vositalarni ishlab chiqaramiz, balki profilaktika tadbirlari va davolanishga moyillik orqali yurak-tomir kasalliklari tufayli ro‘y beradigan o‘lim holatlari xavfini kamaytirishga va bemorlar hayoti sifatini oshirishga qaratilgan o‘quv dasturlarini qo‘llab-quvvatlaymiz. Yaqin kelajakda O‘zbekistondagi bemorlar yevropacha sifatga ega va samarasi hamda xavfsizligi yirik klinik tadqiqotlar natijalari bilan tasdiqlangan innovatsion preparatdan foydalanish imkoniyatiga ega bo‘lishidan chin dildan mamnunman», – deya fikr bildirdi.

Preparatning samaradorligi va xavfsizligi butun dunyo bo‘yicha 35 mingga yaqin bemor ishtirok etgan CAPRIE, CURE, CREDO kabi yirik klinik tadqiqotlarning natijalari bilan tasdiqlangan. Tadqiqot ishtirokchilari salomatligiga ko‘rsatilgan ijobiy ta'sirdan tashqari, bemor statsionarga yotqizilishi bilan boshlanadigan va 12 oy davomida davom ettiriladigan terapiya turli mamlakatlarda va turli ijtimoiy guruhlarda birinchi va keyingi gospitalizatsiyalar uchun sarflanadigan mablag‘lar miqdorini sezilarli darajada kamaytiradi.

Preparat Yevropa Tibbiyot Agentligi tomonidan Yevropa va MDH mamlakatlarida qo‘llash uchun ma'qullangan. Preparat O‘zbekistonda 2021 yilda ro‘yxatdan o‘tgan.

Sanofi haqida

Sanofi – global biofarmatsevtik kompaniya bo‘lib, uning missiyasi sog‘lig‘ida muammolarga duch keladigan odamlarga yordam ko‘rsatishdan iborat. Bizda ishlab chiqarilgan vaksinalar yordamida odamlarni kasalliklarni himoya qilishga intilamiz, bizning preparatlarimiz esa ham kam uchraydigan, ham keng tarqalgan surunkali kasalliklar bilan og‘rigan bemorlarda ko‘pgina kasalliklar yengil kechishiga va ularning hayoti sifatini oshirishga yordam beradi.

Dunyoning 100 ga yaqin mamlakatlarida ishlaydigan Sanofi kompaniyasining 100 mingdan ortiq xodimlari ilmiy innovatsiyalarni sog‘liqni saqlash sohasidagi aniq yechimlarga aylantirish ustida faoliyat olib boradilar.

E-mail: [email protected]

Sayt: www.sanofi.kz

Reklama huquqi asosida