Qoʻshimcha funksionallar
-
Tungi ko‘rinish
11 oyda 112 nafar mutasaddiga ma'muriy chora ko‘rildi
Navoiy viloyatida 2021 yilning 1 dekabr holatiga davlat xizmati ko‘rsatishda tashkilot va idoralar tomonidan 4 027 ta qoidabuzarlik sodir qilingan. Bu haqda Kun.uz'ga DXA viloyat boshqarmasi matbuot xizmati xabar berdi.
Ta'kidlanishicha, mazkur qoidabuzarliklar tahlil qilinganda 3 252 holatda belgilangan muddat buzilgani, 626 holatda to‘g‘ridan to‘g‘ri xizmat ko‘rsatilgani, 72 tasiga asossiz rad javobi berilgani, 7 holatda esa ortiqcha hujjat talab qilingani aniqlangan. Shuningdek, 11 oy davomida viloyat bo‘yicha 112 nafar mutasaddiga ma'muriy choralar ko‘rilib, jarimalar undirilgan.
Ma'lumot uchun, 1 dekabr holatiga viloyatning 11 tuman va shahar davlat xizmatlari markazlari orqali fuqarolarga 272 233 ta davlat xizmati ko‘rsatilgan. Eng ko‘p xizmat Navoiy shahrida amalga oshirilgan – 69 325 ta. Bu raqam Qiziltepa tumanida 41 786 tani, Karmana tumanida 35 035 tani, Zarafshon shahrida esa 32 mingdan ortiqni tashkil qiladi.
