Avtomobilni ijaraga berish tartibiga o‘zgartirishlar kiritildi

Fuqarolik kodeksiga tegishli o‘zgartirish va qo‘shimchalar kiritildi.

Foto: Getty Images

Prezident «Fuqarolar va tadbirkorlik sub’yektlari huquqlari kafolatlari yanada kuchaytirilishi munosabati bilan ayrim qonun hujjatlariga o‘zgartish va qo‘shimchalar kiritish to‘g‘risida»gi qonunni imzoladi.

Hujjatga ko‘ra, Fuqarolik kodeksining 565-moddasiga (transport vositasini ijaraga berish shartnomasining shakli) o‘zgartirish va qo‘shimchalar kiritildi.

Xususan, endilikda avtomototransport vositalarini elektron onlayn-auksion orqali elektron savdo platformasi yordamida ijaraga berishda ijara shartnomalarini notarial tasdiqlash talab etilmaydi.

Shu bilan birga, elektron onlayn-auksion natijalari bo‘yicha tuzilgan bayonnoma ijara shartnomasi kuchiga ega.