Qoʻshimcha funksionallar
-
Tungi ko‘rinish
Shahzoda Charlz shahzoda Endryuga «ko‘zdan yo‘qolish»ni buyurdi
Manbalarning so‘zlariga ko‘ra, qirolicha Yelizaveta II ning farzandlari «urush so‘qmog‘i»da turibdi.
Foto: Getty Images
Shahzoda Charlz shahzoda Endryuga «ko‘zdan yo‘qolish»ni buyurdi va Vindzor qal’asidan quvib yubordi. Bu haqda o‘z manbalariga tayanib The Sun xabar berdi.
Manbalarning aytishlaricha, qirolicha Yelizaveta II ning farzandlari Endryu aralashib qolgan zo‘ravonlik bilan bog‘liq mojarodan so‘ng «urush so‘qmog‘i»da turibdi.
Endryu qirolicha uni o‘tgan oyda barcha qirollik huquqlaridan mahrum qilish uchun chaqirganidan buyon qal’a atrofida ko‘rinmadi.
«U qaytib ko‘rinmasligi haqida ogohlantirildi. Charlz ukasining kunora baxtli ko‘rinishda va qal’a yonida qo‘l silkitib turganini suratga olishlarini istamaydi», - degan manba.
Avvalroq Yelizaveta II 61 yoshli shahzoda Endryuni barcha faxriy harbiy unvonlari va qirollik imtiyozlaridan mahrum qilgandi. U sudda jismoniy shaxs sifatida qatnashadi.
Shahzoda Endryu Amerika-avstraliyalik faol Virjiniya Juffre tomonidan zo‘ravonlikda ayblanmoqda. Uning ta’kidlashicha, qirolichaning o‘g‘li yuqori martabali shaxslarning shahvoniy maqsadlari uchun o‘smirlarni yetkazib berish bilan shug‘ullangan biznesmen Jyeffri Epshteynning xizmatlaridan foydalangan. Shahzoda Epshteyn bilan do‘st bo‘lganini rad etmagan, ammo o‘zining aybsizligini aytib kelmoqda.
